Capitulo Quarenta Y Uno

“H-hindi naman ‘ho tamang saktan niyo ako!” Reklamo ni Arabella habang hawak-hawak niya ang pisngi niyang tinamaan ng sampal ni Lara. Kahit kailan ay hindi nakaranas si Arabella ng pananakit mula sa Lola Mamay niya. Ni kurot ay hindi nga nito ginagawa sa kanya ng Mamay niya. Kaya bakit ganun na lamang kadali kay Lara Leviste na saktan siya? Nanginginig ang mga binti ni Arabella. Hindi sa takot kundi sa galit. Mukhang hindi rin ito ang unang beses na sinaktan siya ng babaeng biyenan.

Napaisip tuloy si Arabella… Matagal na ba niyang hinahayaan na saktan siya nito? Kaya ba ganun na lang kadali para sa biyenan niya na pagbuhatan siya ng kamay?

“Aba’t!” gigil na wika ni Lara. “Wala kang pakialam kung sasaktan kita, naiintindihan mo? Dahil nakikitira ka lang sa pamamahay ko! Sa pera ko! Kaya manahimik ka. Ang kapal ng mukha mong umalis kahapon. Ni isa sa ‘min ay walang nakakaalam kung saang impyerno ka na padpad? Eh, dapat binabantayan mo ang anak ko. Hendrix woke up and you weren’t even