ANNA
ATE, paki-check ang phone mo, minura kita sa text. Ate, huhulaan na kita ngayon: tatanda kang masungit, maraming apo at nakikita ko sa hinaharap na hinahabol mo sila nang pamalo kasunod mo si Kuya Jared. Ate, alam ko na kung bakit lagi kang gutom lately, nami-miss mo ang isang tao pero ayaw mong aminin. Ate, sorry kung palagi kitang binibigyan ng sakit ng ulo, hindi ko na uulitin. Ate, payagan mo na akong gumamit ng big bike mo, promise, ibabalik ko agad. Ate, gusto ko palang mag alaga ng husky, tuturuan kong magsalita ng latin. Sumikip ang dibdib ko sa pagpipigil na huwag umiyak habang binabasa ang mga huling mensahe ni Catherine sa messenger ko. Ilang linggo nawawa ang pamangkin ko at hindi pa rin siya nahahanap. Parang mababaliw na ako. Ito ba ang kabayaran sa mga kasalanan ko? Napaunat ako nang gumalaw ang lalaking nakayakap sa akin. Si Jared Salvatore. Pareho kaming hubad sa ilalim ng kumot samantalang kailan lang halos magpatayan kami. Hinihiling ko na sana nakikita ni Catherine na natupad na ang kahilingan niya na magkasundo kami ni Jared. Hindi lang magkasundo, magkasama sa kama halos araw araw na parang mga baliw. Si Catherine ang nag iisang anak ng ate ko, si Erin na palagi akong ipinapanalanging mamatay noong nabubuhay pa ito. Kung gaano kalupit sa akin ang ate ko, ganoon kalambing at mapagmahal ang naiwan niyang anak. Pakiramdam ko wala nang silbi ang buhay ko kung hindi ko matatagpuan si Cat. Na para manatiling ligtas sa matagal na panahon sinadya kong ipaalaga sa iba at ipinakikilala kong ibang tao sa akin. Na dahil sa money trail, natagpuan ako at naranasan kong may pamilyang nagmamahal kahit na patago. Isinumpa ang buhay ko dahil bago pa ako makalakad gaya ng ibang bata, nakatakda na ang kinabukasan ko. Ako ang bunsong anak ng dating assassin na si Kid Medrano at dating pinuno ng Black Beretta. Sa kasalukuyan, kahit ako na ang leader ng grupong naiwan ng tatay ko, halos wala na rin akong silbi mula nang mahulog ako sa kadena de amor ng mga kamalasan na hindi ko alam kung paano ko malulusutan. Nakita ko, umiikot talaga ang mundo sa kung sino ang may kontrol sa pera at kung sino ang mas makapangyarihan. Gaano ka man katapang, katalino, kalakas, palaging nakakahigit kung sino ang nagmamay ari ng malaking espasyo at hindi matatawarang transakyon sa loob ng bangko. Palagi akong nakakulong sa yakap ni Jared gaya ngayon. Para bang pino-protektahan ako sa lahat. Nagbago siya nang posisyon. Mula sa pagkakaunan ko sa braso niya, hinila niya ako pataas para hagkan ako sa noo. Humigpit sa bewang ko ang matipunong mga braso. "Hindi ka pa rin natutulog? Mag uumaga na." Taglay niya ang baritonong tinig na parang hindi marunong magalit. "Nagising lang ako," inilipat ko sa isang kamay ko ang phone na hawak ko kanina na nakakubli sa bandang likod ng ulo niya. Nagsumiksik ako sa kanya, sa matatag na kalamnan at kahanga-hangang bulto ng isang lalaki. "Matutulog na uli ako." sabi ko kahit hindi totoo yon. Mailap sa akin ang antok. Madalas sapat na ang isa o dalawang oras at minsan literal na wala akong tulog. Walang tigil ang isip ko kung paano matatagpuan si Catherine. Gaya ngayon, nasa gitna kami ng gubat dahil may intel na narito sa hilagang kabundukan ng Villasin Catherine. Pero kahit dalawang grupo na ang nagtutulungan, bigo ako na matagpuan siya. 19 years old si Catherine. Catherine the Great ang tawag ng mga kasamahan sa kanya. Matalino, makulit, moody, a walking timebomb at gaya ng mga miembro ng samahan, nagtatago sa mga bangungot ang madidilim niyang mga sikreto. Sa loob ng samahan, walang normal sa amin kahit isa. Kakaiba rin kaysa sa karaniwang bata si Catherine dahil ang hobby niya ay pagmasdan ang buhay ng iba at pakialaman ito. Madalas napapabuti pero minsan nagiging mitsa ng gulo sa loob at labas ng samahan. Ngayon ko narealize napakarami ko palang gustong gawin kasama niya. Yong walang tigil niyang kakulitan, yon lang din pala ang nagbibigay ng kahulugan sa buhay ko. "Tama na 'yan," nag aalala ang tinig ni Jared, sumubsob sa ibabaw ng buhok ko. "Gusto mo bang magkape na lang tayo?" "Ano bang oras na?" "Umaga na. Malapit nang lumiwanag." "Tinatamad akong magtimpla ng kape." "No worries," pinakawalan ako nito at masiglang gumulong pababa ng kama. Hinabol ko nang tingin kung gaano kagandang pagmasdan ang paggagalawan ng muscles niya sa likod, sa pang upo at sa mahahabang binti na walang katulad ang tatag sa lahat ng pagkakataon. "Sinabi ko naman sa 'yo kahit noong bata pa tayo, kahit pagbubuntis aakuin ko maging akin ka lang." Napangisi ako sa biro nito. Tama pala si Catherine, nagpapanggap lang ito. Sa kabila ng mga kayabangan nito at init ng ulo kapag nagkakabanggan kami, may gusto ito sa akin. Sa malas, wala akong karapatang isipin na puede akong maging masaya sa piling nito. O ng kahit na sino. Dahil sa mundong meron ako, puede kang pumasok pero hindi ka na makakalabas. Habangbuhay."Kape o ako?"Tinanggap ko muna mula sa kamay ni Jared ang mug ng umuusok na kape at dinala ko sa ilong ko ang aroma niyon nang walang sagot sa kanyang tanong.Tila may nakalimutan, bigla siyang tumalikod at pinanood ko siyang bumalik sa pinto para ilapat iyon. Marami kaming kasama sa loob ng bahay at naninibago siya sa pagiging handa sa lahat ng oras.Ang ilang segundong pagkakadikit ng kamay niya sa kamay ko, gaano man kalakas ang dalang boltahe ay binalewala ko gaya nang kung paano ko itinatago sa madilim na bahagi ng isip ko ang masasayang sandali na naliligayahan kami isa isat isa habang nasa kama at mapusok na nagtatalik.Malalim ang sugat namin mula sa mga alaala mula pagkabata, pero kung titingnan mo siya ngayon, wala ng bakas na dati siyang iyakin at duwag na binatilyo sa bayan ng San Luis habang ako ay kabaliktaran.Sakto ang lasa ng kape, ang pait at tamis at ang ekstrang affection na galing sa nagbigay. Ang damdamin ni Jared para sa akin ay gaya ng maligamgam na tubig s
"KAILANGAN uli nating lumipat ng lugar." Nag e-empake na si Jared nang lumabas ako mula sa banyo. "May pumasok na intel mula sa satellite, malayo na ang grupong tumangay kay Catherine."Huminto siya sa pagsasalita nang makitang nagtutuyo ako ng buhok sa paanan ng kama.Nagmura."Lintek," ibinaba niya ang hawak na phone. At parang may sinasabi sa sarili. "Problema talaga ang balls ko kapag malapit ka. Parusa ito."Halata nga, banat na banat ang panga niya at kumakalat sa tenga niya ang matinding pamumula.Ngumisi ako, dinampot ang damit ko sa ibabaw ng kama para simulan ang pagbibihis. "Gusto mong putulin ko?" Inilaglag ko ang towel sa buhok ko pero hindi ang nakabalot sa katawan ko, tumalikod ako at nagmamadaling maikabit ang kapirasong bra."Akin ka hindi ba?" Nasa tabi ko na agad ang pasaway na lalaki. Binihag ako palapit sa kanya kahit nakatalikod. Hindi ko matakasan ang mga kamay niya na sumakop sa dibdib ko. Gumagawa ng mga bagay na bago pa rin sa pandama ko.Pumipisil, humihi
(flashback) ANNA "BAKIT dito pa sa loob ng eskwelahan?" Ilang taon nang intresado si Catherine na makita kung paano nag-o-operate ang Black Beretta. At dahil alam ko na posible siyang gumawa ng masama ano mang oras, isinama ko na siya. Isang bully na anak ng mayor na matagal nang naghahasik sa loob ng unibersidad sa lungsod ang may personal na atraso sa kanya. Isa sa mga magulang ng biktima ang kumuha ng serbisyo namin. Na kahit hindi nangyari ay balak ko talagang ayusin ng personal. Sa loob ng Black Beretta, kapag naibigay na sa isang miembro ang isang assignment, hindi na ito puedeng bawiin. Kaya ang order na inihanda ko para sa ang misyon, ako ngayon ang gagawa. Isa sa pinakamadaling trabaho ay ang pagpatay ng malapitan lalo na kung ordinaryong tao lang ang subject. Walang komosyon, walang mga armas o bakal, walang mortal combat na kailangan at wala ring ingay na maririnig. Para maiwasan ang ano mang pagkamamali, kailangang handa, sanay, at buo ang loob ng executioner.
ANNA "Manood ka." "Hindi ganon ang gusto ko! Gusto kong pahirapan ang walang hiyang 'yon!" "Hindi mo 'yon puedeng gawin. Walang sapat na panahon para doon. At wala tayong look out para magbantay sa buong location." Meron, marami, pero inutusan kong manatili sa hindi kami makikita. "Ikaw ang pinuno pero bakit hindi mo ginawa?" "Dahil mahalaga ka sa akin, Catherine. Ayokong madungisan ang reputasyon mo kapag nakita ka ng ibang miembro na personal na gumanti sa may atraso sa 'yo. Ang mga ganitong kaso, hindi ibinibigay kahit sa miembro ng samahan na may kakayahang gumanti para sa pamilya nila dahil sa emosyon. Ang paggamit ng emosyon habang nasa trabaho ay malaking kahinaan." "Hindi ako papayag. Ako mismo ang papatay sa kanya." "Okay, gawin natin 'yon, pero hayaan mong tulungan kita." 6:30 ng hapon, halos kumakalat na ang dilim, kadalasang nagkikita ang grupo ni Brix Mateo kung nasaan kami. Ayon sa intel, may babaing ginahasa ang grupo matapos ang bullying incident kina Catherin
ANNA (present time) NAWALANG parang bula sa loob ng isip ko ang mga alaala nang mapansing kong nakalabas na kami ng norte at mula sa ere ay tinatahak ang pamilyar na lugar. Hindi ko ito makakalimutan kahit sa kamatayan ko. Ang bayan ng San Luis. Sa mga panaginip ko mula pa noong bata pa ako, nakakulong ako sa iisang lugar sa loob ng lumang sementeryo ng bayan na ito. Hinahabol ako ng mga nabubulok na bangkay at ng mga taong gustong pumatay sa akin pero hindi ako makatakas. Halos gabi gabi iyon at nagigising ako na umiiyak at hinahanap ko ang maantak na sugat na nasa isip ko lang pala. Sa kalaunan unti unting naging madalang ang mga bangungot, siguro dahil simulan kong tanggapin sa sarili ko na tama ang panaginip ko----matagal na akong patay kahit humihinga pa ako. Ang eksaktong lugar na yon ay unti-unting lumalapit sa paningin ko ngayon mula sa loob ng helicopter. Nagpanic ako. "Sandali, bakit dito tayo pupunta?" Nanginginig ako sa pagkakaupo at tinitigan ko si
TINALIKURAN ako ni Jared.Naiwan akong parang baliw na nagwawala sa galit na walang kaaway.Nang bumalik, may itinutulak na trolley ng napakaraming pagkain sa mesa na halos dalawang metro ang haba. Parang fiesta ang isang higanteng glass platters ng mga prutas at higanteng basket na may balat pa na sobra pa sa isang buwan kong kunsumo. Naka-disenyo iyon na gaya ng sa mamahaling hotel. Feastive rin ang mga putahe ng karne at seafoods sa mga metal na lalagyan na para bang bibitayin na ako. May makukulay na pastries na sa gutom ko ay parang ang sarap dakutin agad at isubo.Literal akong naglaway na itinatanggi ng isip ko.Sa sobrang dami ng mga pagkain na yon ay puede na sa 20 katao.Hinihingal pa rin ako dala ng galit kaya paano niya naisip na magagawa kong kumain?Matutunawan ba ako gayong wala pa ring malinaw na sagot kung nasaan si Catherine?Kanina, nagde-deliryo na yata ako sa galit nang marinig ko na parang binanggit niya si Catherine at isang kasunduan pero malabo sa isip ko.