ONE SINGLE TEAR

"KAILANGAN uli nating lumipat ng lugar." Nag e-empake na si Jared nang lumabas ako mula sa banyo. "May pumasok na intel mula sa satellite, malayo na ang grupong tumangay kay Catherine."

Huminto siya sa pagsasalita nang makitang nagtutuyo ako ng buhok sa paanan ng kama.

Nagmura.

"Lintek," ibinaba niya ang hawak na phone. At parang may sinasabi sa sarili. "Problema talaga ang balls ko kapag malapit ka. Parusa ito."

Halata nga, banat na banat ang panga niya at kumakalat sa tenga niya ang matinding pamumula.

Ngumisi ako, dinampot ang damit ko sa ibabaw ng kama para simulan ang pagbibihis. "Gusto mong putulin ko?" Inilaglag ko ang towel sa buhok ko pero hindi ang nakabalot sa katawan ko, tumalikod ako at nagmamadaling maikabit ang kapirasong bra.

"Akin ka hindi ba?" Nasa tabi ko na agad ang pasaway na lalaki. Binihag ako palapit sa kanya kahit nakatalikod. Hindi ko matakasan ang mga kamay niya na sumakop sa dibdib ko. Gumagawa ng mga bagay na bago pa rin sa pandama ko.

Pumipisil, humihigit sa mga tuktok niyon at nag iiwan ng marka na may kaunting sakit at sarap.

Gumuhit ang init sa loob ng puson ko na napasandal ako sa kanya. Hiningal ako dala ng nabubuhay na pagnanasa. Lalo na nang halikan niya ako sa leeg papunta sa batok. Literal na binabasa ako ng dila at parang gusto akong kainin.

Pero naglaho ang lahat nang maalala ko si Catherine. Ang tanawin sa loob ng isip ko na tumatakbo siya sa tabing dagat habang hinahabol ng mga dumukot sa kanya.

Dinampot ko ang kanan niyang kamay na nagmamasahe sa dibdib ko at pinilipit ko yon paharap sa paraang hindi naman siya mababalian.

"Awww .." sigaw niya, parang bata. "Sa tuwing naglalambing ako sa 'yo, nananakit ka!" reklamo niya pero hindi naman totoong galit.

Dinampot ko ang towel na nalaglag na pala sa paanan ko. At ibinalot ko uli sa sarili ko. Nagmamadali akong hanapin kung nasaan ang panty na isusuot ko.

Na sinisinghot na ni Jared ngayon na parang drugs. "Hindi ako magsasawang kainin ang may ari nito. Habangbuhay."

Umikot sa ere ang mga mata ko. Gaano ba kahaba ang habang buhay sa gaya kong kriminal?

Sigurado akong walang katiyakan.

"May mga taong naghihintay sa labas, Boss Jared." Ginising ko siya sa masarap na panaginip. Malala na siya sa totoo lang. "Tanghali na. Kailangan na nating umalis."

Tumayo siya at lumapit sa akin. "Ikaw lang naman ang problema. Alam na alam mo ang dapat gawin sa problema pero ayaw mong harapin."

"Ah," humahakbang ako paatras dahil nahuhulaan ko ang iniisip niya. At desidido na naman ang mga mata niya, nakakahawa ang ngiti."Ako pala talaga ang laging problema. Akala ko ang libido at sex drive mo."

Lumuhod siya sa harapan ko. At ibinuka ang panty ko sa paraang siya na yata ang magsusuot.

Salamat naman.

"Kapag may oras ka, puede mo bang tapusin ang problema ko?"

Naisuot ko naman ng maayos ang kapirasong tela sa isang binti ko. Lace panty at sing itim ng budhi ko.

"Sa loob ng chopper, gusto mo?" Isinuot ko ang isa pa. "Blow job habang pinagmamasdan mo ang mundo sa ibaba, kaya mo ba yon?"

Umunat siya at pumantay sa akin. "Binabaliw mo talaga ako, 'no? Parang ayaw mo ring umalis dito."

Tinapik ko siya sa noo. "Tantanan mo nga ako. Joke lang yon. Kung may balak kang gawin akong lumpo, pakasalan mo muna ako."

Nawala ang ngiti niya. "Alam kong wala 'yon sa plano mo. Alam kong ayaw mo akong pakasalan." Hinuli niya ang kamay ko at hinahalik-halikan.

"Alam mo naman pala. So, alam mo rin na walang imposible sa mundo?"

Shit. Saan galing yon?

"Hindi sapat 'yon. Pinaaasa mo lang ako. Sinabi mo na ng maraming beses na hanggang ganito lang tayo. Payag naman ako. Pero sana huwag mo akong pagtaguan kapag tapos na ang problema mo."

"Hay, Jared..."

"Kinakagat mo ang labi mo at tumitingin ka sa ibaba kapag nagsisinungaling ka, alam mo ba 'yon?"

"Kung nababasa mo ang body language ko, maging sapat na sana sa 'yo yon sa ngayon dahil talagang marami akong problema."

"Makakapaghintay ako, alam mo yan."

"Salamat," h******n ko siya sa labi, segundo. "Tayo na?"

Nang nasa loob na kami ng chopper, pumikit ako at nagkunwaring matutulog. Nakaunan ako sa balikat ni Jared.

Pero ang isip at puso ko, na kay Catherine pa rin.