Chapter 11

Sandaling natigilan si Gwen sa kabilang linya sa pakiusap iyon ng kanyang kaibigan.

“Titingnan ko kung anong makakaya ko, Sierra. Alam mo naman iyang si Sylvio Narvaez, napakamisteryoso. Napakahirap hagilapin, lalong-lalo na ang makakalap ng impormasyon dito ilang taon na ang lumipas.”

Tumango-tango si Sierra kahit pa man ay hindi ito nakikita ng kausap.

“Sige, Gwen. Maraming salamat.” Aniya sa kaibigan atsaka pinatay ang tawag.

Hindi na naman sana talaga siyang mag-aaksaya ng panahon upang gawin ito ngunit tila ba mayroong malaking parte sa kanyang pagkataong gusto niyang malaman. Gusto niyang malinawan.

“Madame, naghihintay ho ang Señora sa inyo sa ibaba.” Imporma sa kanya ng kasambahay sa labas ng pintuan.

“Susunod ako,” malambing niyang tugon dito at tumayo na upang maglinis ng katawan sa banyo.

Hindi rin naman nagtagal ay natapos siya at lumabas din kaagad. Mahaba ang pasilyo mula sa kanilang silid patungo sa mismong engrandeng hagdanan kaya naman mayroong panahon si Sierr