Chapter 15

Kumurap-kurap si Liam upang alisin sa kanyang isipan ang imahe nito. Mali na isipin niya sa ibang tao ang alaala ng taong matagal ng namayapa.

Sumalangit nawa.

Hindi iyon napansin ni Sierra dahil agad ding ngumiti ang doktor sa kanya.

“Maaari ka ng pumasok, Mrs. Maaari na po ninyong ipagpatuloy ang paglilinis sa kanya nang sa ganoon ay guminhawa rin kahit papaano ang kanyang pakiramdam,” matamis na ngiti ng doktor. “Do you have any questions about your husband?” Tanong nito.

Tumango naman siya. Tumango ang doktor bilang senyales na sabihin niya kung ano ito.

“T-Tungkol pala sa mga scratches sa dibdib niya, paano nangyari iyon? Did someone enter the house? Or something?” Kumunot ang noo ni Sierra dahil talagang naguguluhan siya.

Mayroong pumuslit na alaala sa kanyang isipan ngunit agad din naman niya iyong iwinaglit dahil imposible naman ‘yon!

“Oh,” tumango si Liam at gustong sabihing, ‘kagagawan mo ito kagabi dahil nakasama mo siya bilang si Sylvio Narvaez!’

Ngunit mas minabuti