Chapter 19

“Grandma, sandali lang po. Hindi ni’yo po ba pakikinggan muna ang side ko?” Kalmadong tanong ni Sierra.

Umismid si Adriana. "Ha! Hindi ka rin gaanong makapal ang mukha, eh 'no?" Sarkastiko itong ngumisi. "Sa tingin mo ba ay paniniwalaan ka ni Grandma? Eh, ako nga, si Julian, pati si Sylvester na mahal na mahal niya ay hirap niyang paniwalaan ngayon eh! Ikaw pa kaya na isang pipitsuging babae at kararating lang sa pamilyang ito?"

Mula sa pagiging kalmado ay malamig na tinapunan ni Sierra ng tingin si Adriana. “Sa ating dalawa, alam mo kung sino ang may hindi magandang intensyon.”

Nagpapaawang nag-angat ng tingin si Adriana kay Senyora Elizabeth, “grandma, tingnan mo po ang babaeng iyan. Huling-huli na nga sa akto ay nagsisinungaling pa! Nakakatakot siya, grandma..." Umakto pa itong niyayakap ang sarili. Kapagkuwan ay nanlilisik ang mata niyang tumingin kay Sierra. "Kaya dapat lamang po na paalisin na siya at baka kung ano pa ang magawa niya kay Kuya Marco na walang kalaban-laban at