Chapter 17

Paglabas ni Sierra galing kusina ay nandoon na sina Julian at Adriana sa lamesa. Pinagigitnaan nila ang bata. Si Julian ay nasa kaliwa habang sa kanan naman ay si Adriana.

Ni hindi man lang niya narinig ang pagdating ng mga ito. Debale, wala naman siyang pakialam sa dalawa.

Umuklo si Adriana upang magpantay ang kanilang mata ng bata saka malambing na nagtanong. “Inaaway ka ba ng stepmom mo? See? Tama kami ng uncle Julian mo! She's an evil! She will only take your father and grandmother away from you!” Sulsol pa nito sa bata.

Nagsalubong naman ang mga kilay ni Vester at nangunot ang ilong. “Will you please stay away from me? Your perfume hurts my nose!” Walang preno nitong sinabi, nabitin sa ere ang ngiti ni Adriana at napalitan ng inis.

Nagpupuyos sa galit si Adriana sa kaloob-looban niya. Hindi niya matanggap na masabihan ng ganoon! Anong karapatan ng isang batang pinulot lamang sa isang basurang ampunan na sabihan siya ng ganoon?!

Kung hindi lang dahil sa senyora ay matagal na