Chapter 16

Isa. Dalawa. Tatlo. Tatlong subo at pabagsak na ibinaba ni Vester ang kutsara at tinidor sa kanyang pinggan.

Kaunti lang ang inilagay niya sa kanyang pinggan kaya matalim niyang tiningnan si Sierra na ngayon ay pokus na pokus sa kanyang sariling kinakain.

Gusto niyang tingnan siya nito at matakot sa paraan ng kanyang titig! Gusto niyang matakot ito sa kanya at irespeto siya bilang isang prinsipe sa pamamahay na ito dahil iyon naman talaga siya!

“Pagsilbihan mo ako! Put more food on my plate!” Pabalang nitong utos.

Nanlilisik ang itim at bilog nitong mga matang nakatitig kay Sierra, nanakot.

Si Sierra na tahimik at sarap na sarap sa kinakain ay sinulyapan lamang siya ng isang beses. Ni wala itong nakikitang takot sa mga mata!

Mas lalong bumusangot si Vester at tumindi ang galit na naramdaman niya sa puso. Ayaw na ayaw niyang hindi siya pinapansin lalo at dito sa kanyang sariling teretoryo! Dapat ay lumuluhod ito sa kanya dahil anak siya, asawa lamang ito!

Tama nga ang kanyang un