Chapter 10

Simula pa lang ay malinaw na kay Sierra ang mga plano. Nang malaman niyang imbalido ang isa sa mga importanteng parte ng pamilya ng mga Montezides at ito ay kasalukuyang naghahanap ng mapapangasawa ay nag-isip agad siya ng paraan.

Paghihiganti. Iyon lamang ang tanging naroon sa kanyang puso, maliban sa pagmamahal sa natirang anak na babae.

Buong-buo ang kanyang pasya na maghiganti at hindi niya iyon magagawa kung nasa labas siya ng bansa at sapat lamang ang kanyang pera para sa kanilang mag-ina.

Kaya nang matagumpay siyang makapasok sa Montezides ay mas umusbong ang kanyang hangarin. Lalo at nasa iisang pamilya lang ang mga taong lumapastangan sa kanila limang taon na ang nakalilipas.

Kaya kung hindi niya gagawin ang gusto ni Sylvio Narvaez ay malamang, lahat ng pinahirapan niya ay mawawalan ng saysay.

Ang buong akala ni Sierra ay tanging pandidiri ang mararamdaman niya nang sandaling angkinin ni Sylvio ang kanyang mga labi. Inihahanda na niya ang sariling pilitin para sa kapakan