Chapter 9

“Ikaw ang asawa ni Marco Montezides at ito ang unang gabi ninyo bilang mag-asawa. Dahil imbalido na siya at hindi makagagawa ng anumang galaw, hindi niya magagampanan ang obligasyon niya bilang asawa. Kaya ako na ang gagawa niyon.” Sinabi niya iyon na para bang natural lang.

Halos lumuwa ang mga mata ni Sierra sa pagkabigla sa naging sagot nito. Abala ang kanyang isipan sa dami ng gustong sabihin ngunit tila ba nawalan ng kakayahan ang dilang bumuo ng mga salita.

Mula sa kanyang leeg ay bumaba ang mga labi ni Sylvio sa tuktok ng kanyang balikat. Umakyat muli ito sa kanyang leeg at panga hanggang sa gilid ng kanyang labi.

Tanging mabibigat na paghinga lamang ang tugon ni Sierra. Gusto niyang umiyak ngunit walang luhang lumalabas sa kanyang mga mata.

Napatigil si Sylvio sa marahang paghalik kay Sierra at biglang natauhan. Nakaka-adik man ang amoy ng babae at lambot ng balat nito ngunit hindi siya kailanman pumilit ng babae para lang sa init ng katawan.

Mabilis siyang tumayo at binu