Mira POV
8:45 pm nang lumabas ako sa coffee shop na pinagtatrabahuhan ko. Tanaw ko na agad si kuya Alfred sa labas, ang aking nag-iisang kapatid. Nakatayo ito sa gilid ng kanyang motor. Sigurado akong kanina pa siya naghihintay sa labas.
“Kanina ka pa no?” nakangiti kong bati sa kanya.
“Kadarating lang.” tanggi nito.
Inabot nya sa akin ang helmet upang isuot ko. Alam kong nagsisinungalin siya. Dahil kita ko sya mula sa loob ng coffee shop na kanina pa naghihintay. Nakapabait ng aking kapatid at sinisiguro nito na ligtas ako palagi kaya palagi niya akong sinusundo sa trabaho.
Nakakalungkot lang na walang ibang nakakaalam na magkapatid kami dalawa. Anak siya sa pagkadalaga ng aking ina. Medyo may pagkamatapobre ang mga magulang ni papa kahit hindi naman sila kayamanan. Upang matanggap siya ng pamilya ni papa ay kailangan nitong ilihim na anak ni mama si kuya. Mag-lilimang taon pa lang noon si kuya nang magpakasal ang aking mga magulang. Pinalabas nilang anak siya ng katiwala. Lumaki kami sa ganung set-up. Nang mamatay ang katiwala namin ay pinalabas na kinupkop na lang ng mga magulang ko si kuya. Habang tumatanda ay nauunawaan ko ang nakakaawang sitwasyon niya kaya mas lalo ko pa siyang minahal. Lumaki kaming malapit sa isa't isa.
Maayos naman siyang tinrato ni papa habang lumalaki ngunit ng sabay namatay ang aking mga magulang mahigit isang taon na dahil sa car accident. Sariwa pa sa akin ang sugat ng kanilang pagkawala. 19 years old na ako ngayon ngunit ang masaya sanang buhay ko bilang teenager ay hindi ko na nararanasan.
Bago sila namatay ay nakapasa na ako bilang scholar sa university na pinapasukan ko. Kahit pa nawala na sila ay itinuloy ko pa rin ang pag-aaral dahil bata pa lang ako ay pangarap ko nang maging isang engineer. Hindi rin naman ganun kadaling matanggap na scholar sa paaralang pinapasukan ko. Sa dami ng nagapply ay iilang lang kaming nakapasa. Suportado rin ni kuya ang pangarap kong makapagtapos ng pag-aaral tutal ay wala naman akong tuition f*e na poproblemahin. Inaabutan ako ni kuya ng baon noong una nung hindi pa ako nagtatrabaho. Ngayon ay hindi na ako umaasa sa kanya ng pang-araw na araw kong gastos. Kahit mga pambili ko ng project at libro ay nabibili ko narin kaya naman galit na galit si tiya Carmen dahil sa halip na ibigay ko kanya ang buong sweldo ko ay napupunta pa raw ito sa pag-aaral ko.
Hindi naging maganda ang pakitungo kay kuya Alfred ng nag-iisang kapatid ni papa na si tiya Carmen. Alila ang tingin niya dito. Hindi na ako magtataka kung ganun niya tratuhin ang aking kapatid, dahil kung ako ngang kadugo na nila ay parang alila din kung ituring ng mga ito. Panay ang sumbat na naririnig ko sa kanila kaya minabuti ko na rin na magtrabaho para wala silang masabi sa akin.
Kung tutuusin ay malaki ang nagiging pakinabang nila sa aming magkapatid ngunit ganunpaman ay hindi nila yun nakikita.
Wala na rin akong lolo at lola bago pa man mamatay ang aking mga magulang kaya kay tiya Carmen kami naiwan. Biyuda ang aking tiyahin at kaedad ko ang nag-iisa nitong anak na babae. Ipinagbili niya ang bahay ng aking mga magulang at umupa ng mas maliit. Sa sofa natutulog si kuya Alfred kaya kapag may bisita si tiya Carmen ay kailangang maghintay ni kuya na makaalis ang mga ito bago siya matulog. Mabuti nga at hindi siya pinalayas. Syempre, dahil may pakinabang sila sa kapatid ko.
Nagtatrabaho si kuya sa construction company na gumagawa ng mga building. Nakapagtapos siya ng vocational course bago mamatay sina mama at papa. Natanggap siyang messenger sa kompanya kaya kahit hindi kalakihan ang sweldo ay malaking tulong na rin yun at tuwing sahod nito ay ibinibigay niya yun sa aking tyahin. Ganun din ang sitwasyon ko, isinusumite ko sa kanya ang aking sweldo, hindi pwedeng hindi. Upa daw namin yun at bayad sa pagkain.
Lingid sa kanilang kaalaman ay may bank book kami ni kuya at nag-iipon kami unti-unti para makalayo na sa kanila. Ngunit paano kami makakaipon kung palagi nilang kinukuha ang sweldo namin? Yung ang dahilan kung bakit ko tinanggap ang alok ni Jake. 50k pa lang ay sobra sobra na kung tutuusin.
Nadatnan ko si tiya Carmen na nanonood ng tv ng dumating kami. Naawa na naman ako kay kuya dahil siguradong maghihintay na naman itong matapos ng aking tyahin ang pinapanood bago pa siya matulog. Kapag ganun ay umuupo na lang ito sa may kusina at doon nakakatulog. Lumilipat siya sa madaling araw kapag naalimpungatan at wala ng ibang tao sa salas.
“Akina sweldo mo.” yun agad ang bungad ni tiya Carmen sa akin.
Inaasahan ko na yun kaya kanina ko pa inihanda ang pera. Inabot ko ang sobre sa kanya. Kumunot ang noo nito.
“Bakit 2000 lang?” hindi masaya ng tono ng boses nito.
“Konti lang po kasi yung oras na ibinibigay nila sa amin.” paliwanag ko ngunit ang totoo ay bumawas ako upang idagdag sa aking ipon. Lalagpasan ko pa sana siya ng muli itong nagsalita.
“Pacollege-college ka pa kasi kaya hindi ka makakuha ng permanenteng trabaho. Wala ka namang mapapala dyan sa pag-aaral na yan at sa pag-aasawa din lang naman ang bagsak mo.” pagtataray nito.
Hindi ko na lang siya pinansin dahil sanay na ako sa pagsesermon nito. Dumiretso ako ng kusina upang maghugas ng mga pinggan. Hindi mo maaasahang maghugas ng kanilang pinagkainan sina tiya Carmen at anak nitong si Deserie. Pagpasok ko ng kusina at nakita kong hinuhugasan na ni kuya ang mga pinggan.
“Ako na bahala dito, magpahinga ka na.” anito na abala sa mga hugasin sa lababo.
“Kuya…” nahihiya kong sabi. Tumingin si kuya sa akin at ngumiti.
“Dito rin naman ako tatambay hanggang sa matapos sa panonood si tyang kaya ako nang bahala rito.”
“Salamat, basta bukas ako naman ha.” wika ko.
Tumango lang ito para patahimikin ako dahil siguradong uunahan na naman niya ako bukas. Nagpaalam ako kay kuya bago ako umakyat sa kwarto. Naabutan kong may kausap si Deserie sa telepono. natutulog kasi kami sa iisang kwarto. Dalawa lang ang silid dito sa bahay na inuupahan namin. Sa double deck kami natutulog ni Deserie at nakapwesto ako sa itaas. Tumigil ito sa pagsasalita ng makita ako.
“Mira, paki-plantsa ng uniform ko para bukas.” anito at muli na namang bumalik sa pakikipag-usap sa telepono.
Kinuha ko ang plantsa at sinimulang plantsahin ang school uniform nito. Graduating ito ng senior high school. Nasa college na rin dapat ito ngunit bumagsak ito at hindi naka-graduate kaya balik senior high ngayong taon.
Matapos kong plantsahin ang kanyang uniporme ay sarili ko naman ang inasikaso ko. Bumaba ako upang linisin ang aking katawan sa banyo bago matulog. Maswerte nga ako ngayon araw dahil hindi ako nakatanggap ng pamamalo mula kay tiya Carmen. Kung nagkataong lasing ito o kaya ay talo sa sugal, baka pinaghahampas na naman ako nito dahil maliit ang perang inabot ko sa kanya. Ganito ang araw araw kong buhay.
Bago mag-alas sais ng umaga ay gising na ako upang magluto ng aalmusalin ni Deserie. Wala itong kaalam-alam sa gawaing bahay. Lahat ay asa na lang sa iba. Si kuya naman ay paalis na para magtrabaho. Ipinaghanda ko siya ng tanghalian niya. Inilagay ko sa lumang container ang kanyang pagkain at isinilid ko sa kanyang bag na pangtrabaho.
Tanghali na kung gumising si tiya Carmen kahit pa may tindahan ito sa palengke kaya palaging tanghali na itong magbukas. Sinasamantala ko naman ang oras na yun upang magbasa at gumawa ng homework. Kapag nasa paligid lang sina Deserie at tiya Carmen at minamabuti kong umalis na lang, pumasok ng maaga at tumambay sa library o kaya naman ay sa trabaho para lang umiwas sa mga ito dahil wala silang ibang gagawin kung di ang utusan ako. Kaya nga ganun na lang inis ko nang pati sa school ay sinusundan ako ng problema. Yun sana ang lugar kung saan ako makakahanap ng kapayapan upang kalimutan ang problema sa bahay.
Pansamantala ay pinagtitiisan ko muna ang ganitong sitwasyon namin ni kuya. Hindi magtatagal ay aalis din kami at magpapakalayo layo. Malayo dito sa Manila, para maka-pamuhay kami ng malaya kapag sapat na ang aming ipon. Kapag natapos ko na ang trabaho ko kay Jake ay maaari na kaming umalis ni kuya Alfred at magsimula.
Mira POVNakasubsob ako sa aking inuupuan habang hinihintay namin ang pagdating ng aming professor sa Physics 71. Ganito ako kapag medyo puyat at pagod sa trabaho. Napatunghay ako ng kalabitin ako ng lalaking nasa likuran ko. Akala ko ay dumating na ang aming professor.“Mira, ikaw yata hinahanap niya.” anito na nakatingin sa pintuan.Napalingon ako sa direksyon na tinitingnan nito. Nakita ko si Jake na nakatayo at nakatingin sa akin. Hindi ko alam kung paano nito nalaman ang schedule ko at kung nasaan ako. Tumayo ako upang lapitan siya. As usual, ay sa amin nakamasid ang mga mapang-usig na tingin ng mga kaklase kong babae.Bago pa man ako nagsalita ay hinawakan na agad ako ni Jake sa kamay at marahan akong hinila papalayo sa lugar na yun. Napasunod na lang ako sa kanya. Nauunawaan ko na ayaw nitong marinig ng iba ang pag-uusapan namin, dahil ganun din naman ang gusto kong mangyari.“Anong oras labas mo mamaya?” anito ng makalayo na kami.“Bakit?” takang tanong ko. Nakitang kong nataw
Mira POV“Napapayag mo na akong maging fake girlfriend mo kaya di mo na ako kailangang bolahin.” tugon ko sa kanya.“I'm serious. I’m physically attracted to you. I think you're very beautiful. Sabi mo nga diba nagugwapuhan ka sa akin? The feeling is mutual so bakit hindi na lang natin totohanin?” paliwanag nito.Oo nga, sa isip isip ko. Physically attracted din ako sa kanya pero hanggang doon lang. Ano naman kaya ang mangyayari sa amin kung magiging kami? Siguradong napakaboring nun.“Para sa nagmamahalan lang yun.” tugon ko sa kanya.“Pwede nating subukan, malay mo madevelop.” anito. Kung hindi ko lang alam na inlababo ito sa ibang babae ay iisipin ko na seryoso nga ito sa sinasabi niya.“Ayoko, baka hindi mo ako bayaran. Ikaw ha, para-paraan ka para makaligtas ka sa bayarin.” pabiro kong sabi.“Hindi ah, marami akong pera.”Narinig ko ang malakas niyang pagtawa. Hindi nakawala sa akin ang pantay pantay nitong ngipin na halatang alaga ng dentista. Ang gwapo lalo nito kapag tumatawa.
Mira POV“Hay salamat, natapos din natin. Akalain mo yun, one month pa ang due nitong project natin pero tapos na natin.” wika ko na pinapasadahan nang tingin ang blueprint na katatapos lang naming gawin ni Janet.“Buong araw ba naman nating gawin to, ewan ko na lang.” wika ni Janet na proud na proud sa sarili.“Worth it talaga kesa makigulo sa activities nila dyan sa labas.” dugtong ko pa.Kasalukuyang may nagaganap na Art Festival sa loob ng university kaya wala kaming klase ngayon. Sa halip na makisali sa kasiyahan ay pinili namin ni Janet na tapusin na lang ang aming proyekto. Sa mga kagaya naming working students ay napaka-importante para sa amin ang bawat minuto.“1pm pa lang, gusto mo sumilip tayo sa fest, bago tayo dumiretso sa mga trabaho natin?” suhestyon ni Janet.“Sige, bakit hindi.” tugon ko. Kahit hindi naman ako intresado sa mga ganung aktibidad at gusto ko ring makita kung ano ang nagaganap. Sisilip lang ako mabilis tapos didiretso na ako sa trabaho.Paglabas na paglaba
Mira POVTumingin si Mark sa akin at ngumiti. Inabot niya sa akin ang kanyang kamay.“Hi, I’m Mark.., Jake's best friend.” hindi na niya hinintay si Jake at kusa na nitong ipinakilala ang sarili. Mukhang mabait din itong si Mark. Mas gwapo pala ito sa malapitan. Mas malakas nga lang ang dating ni Jake dahil mas maganda ang katawan nito kesa kay Mark at mas magaling pumorma. Samantalang si Mark ay simple lang manamit at natatakpan ng reading glasses ang gwapo nitong mukha.Nakipagkamay ako sa kanya.“Nice meeting you.” kiming ngiti ang iginanti ko sa kanya.“Finally, nameet ko na rin ang babaeng crush na crush ng kaibigan ko.” anito. Napakunot naman ang aking noo. Maging si Lindsay ay biglang napatingin sa nobyo.“What did you say?” mabilis na tanong ni Lindsay.“Kung alam mo lang, panay ang papansin nito sayo matagal na, panay ang pa-cute sayo pero hindi mo pinapansin. Nagulat na lang ako na kayo na pala. Paano ka na-uto ng kaibigan ko ha? Natatumbling ba siya sa harapan mo para mapan
Mira POVFrom Jake: Hi Mira, Ihahatid kita mamaya. See you soon!Kanina ko pa tinitingnan ang screen ng aking cellphone. Normal na text lang naman ito mula kay Jake pero kanina pa ako hindi mapakali. Kinakabahan pa rin ako dahil sa nangyari kahapon. Nais kong tuktukan ang aking ulo dahil sa aking ginawa. Hindi ko alam kung ano bang pumasok sa kukote ko kahapon para biruin ng ganun si Jake. Kahit naman nerd ay may sense humor ako kaso masyado yata akong naging komportable sa kanya at hindi ko na naisip na medyo napasobra na yata ako sa pagbibiro.Wala lang naman sana ang birong yun kaso bigla lang itong nag-iba dahil sa reaksyon ni Jake. Akala ko nung una ay mauuwi lang kami muli sa kantyawan at tawanan kagaya ng dati. Hindi ko sukat akalain na seseryosohin niya yun.“Mira, You have no idea what I'm capable of. Lalo na at tayong dalawa lang dito kaya wag mo nang uulitin yan kung hindi mo kayang panindigan.”Umaalingawngaw pa rin sa aking utak ang mga salitang binitawan niya. Buong mag
Mira POVKatakot takot na kantyaw ang narinig ko mula sa kanya bago kami nakaalis sa school at niyaya niya akong lumabas. Nakatambay kami ngayon sa park na lagi naming pinupuntahan. Parehong bubble tea ang iniinom namin.“Sa tingin ko, may gusto sayo si Lindsay. Iba yung tingin nya sayo eh.., kita ko rin yung lungkot nung ipakilala mo ako sa kanya.”Mapaklang natawa si Jake.“Believe me, yan din ang akala ko kaya nga umasa ako. Ganun lang talaga si Lindsay. Maamo lang talaga ang mukha nya kaya akala mo malungkot.”“Ewan ko, pero sa tingin ko talaga pareho lang kayong may gusto sa isa’t isa. Sayang naman.” nanghihinayang kong sabi.“Parang tayong dalawa? Pareho naman nating crush ang isa’t isa, Sayang naman.” anito na parang ginaya lang ang sinabi ko.Umikot ang aking mata dahil eto na naman siya. Bigla namang sumeryoso ang mukha ni Jake.“I’m serious Mira, I really like you. Why don't we give it a chance?” anito na nakatingin sa akin.“Nagde-date naman tayo ah, ano pa bang ipinagka-ib
Jake POVItetext ko sana si Mira upang alamin kung nasa school siya ngayon at yayain siya mag-ikot ikot dahil may Art fest ngayon sa university ng lumapit si Lindsay sa akin.“Jake, samahan mo naman ako sa fest, male-late ng kasi ng konti si Mark.” anito.“May pupuntahan kasi ako ngayon.” mabilis kong tugon.Nang tingnan ko siya ay parang naluluha ang kanyang mga mata.“Kailangan ko lang ng makakausap.”Tatanggihan ko pa sana siya ngunit nang makita ko ang maamo at malungkot niyang mukha na parang nagsusumamo ay wala na akong nagawa kundi ang umoo. May problema na naman siguro ito sa bahay nila. Isinuksok ko sa bulsa ng aking pantalon ang aking cellphone at sinamahan siya.Ilang minuto rin kaming naglakad lakad sa mga booth.“I’m glad na pumayag ka Jake. Ang saya ko ngayon.” nakangiti ito sa akin. Kung hindi lang niya ako binasted ay iisipin ko talaga na inlove siya sa akin dahil sa kung paano siya tumingin. Dahil din doon kaya nahulog ang loob ko sa kanya.“You know I’m always here w
Mira POV“Ang landi mo girl!” nakabungisngis na sabi ni Janet habang pinagmamasdan ako sa suot ko para sa ball.Nasa apartment nya ako ngayon dahil nagpatulong ako sa kanya na ayusan ako. Sideline kasi ni Janet ang pagmemake-up sa mga ikinakasal. Light make up lang ang ipinagawa ko sa kanya.Maluwang na ngiti ang iginanti ko sa kanya.“Backless na nga, ang haba pa ng slit…. Oh etong n*pple tape, baka mamaya lumuwa yang dibdib mo sa baba ng cut nyan sa harapan.”Kinuha ko ang n*pple tape at ipinatong sa ibabaw ng aking dibdib.“Masagwa ba?” bigla tuloy akong nakaramdam ng kaba.“Hindi naman. Elegante ka pa rin kahit sexy.., kaya lang…, baka dika na iuwi ng boyfriend mong hilaw. Pag ikaw puyat bukas, alam ko na kung anong ginawa nyo.”“Grabe ka naman! Hindi agad ako bibigay sa kanya no.”“Hindi agad? So eventually, bibigay ka rin?” pilyang tanong ni Janet.“Sira, magkaibigan lang kami.”Tumaas ang kilay ni Janet.“May kaibigan bang inaakit?" tanong nito.Natahimik ako sa sinabi niya. Ba