Chapter 7

Mira POV

Tumingin si Mark sa akin at ngumiti. Inabot niya sa akin ang kanyang kamay.

“Hi, I’m Mark.., Jake's best friend.” hindi na niya hinintay si Jake at kusa na nitong ipinakilala ang sarili. Mukhang mabait din itong si Mark. Mas gwapo pala ito sa malapitan. Mas malakas nga lang ang dating ni Jake dahil mas maganda ang katawan nito kesa kay Mark at mas magaling pumorma. Samantalang si Mark ay simple lang manamit at natatakpan ng reading glasses ang gwapo nitong mukha.

Nakipagkamay ako sa kanya.

“Nice meeting you.” kiming ngiti ang iginanti ko sa kanya.

“Finally, nameet ko na rin ang babaeng crush na crush ng kaibigan ko.” anito. Napakunot naman ang aking noo. Maging si Lindsay ay biglang napatingin sa nobyo.

“What did you say?” mabilis na tanong ni Lindsay.

“Kung alam mo lang, panay ang papansin nito sayo matagal na, panay ang pa-cute sayo pero hindi mo pinapansin. Nagulat na lang ako na kayo na pala. Paano ka na-uto ng kaibigan ko ha? Natatumbling ba siya sa harapan mo para mapansin?” halata sa boses nito ang excitement habang nagkkwento.

“Anong ibig mong sabihing panay ang papansin niya?” tanong ni Lindsay. Nagtataka naman ako dahil parang ito pa yata ang mas intresado sa kwento kesa sa akin.

“Kapag nakikita niya si Mira, para-paraan yang si Jake. Kagaya minsan sa library, 30 minutes na siya sa tabi ni Mira pero ni hindi siya nito pinapansin kasi mas gwapo yata yung nasa libro kesa kay Jake.” nakatawang nagkukwento si Mark.

“Alam mo bang nagmember si Jake sa Science Club dahil member nun si Mira? Hatest subject pa naman nyan is Science….. Hay naku marami pa, isa na yung kunyari aksidente ka niyang nabato ng bola. Yung bola tiningnan mo pero siya hindi.” patuloy nito, na nakakaloko ang tingin kay Jake habang binibisto ang kaibigan. Napakamot naman ng ulo si Jake.

Nabanggit na nga sa akin ni Jake na nagpapapansin siya sa akin dati pero dahil sa nachachallenge lang ito sa akin. Wala namang ibig sabihin yun base sa pagkakaunawa ko. Napansin kong medyo nakasimangot na ang napaka gandang mukha ni Lindsay.

“Babe, mind coming with me to that booth? I need to check something.” malambing na binigkas nito kay Mark.

Agad namang tumalima si Mark at sinamahan ang girlfriend. Selos ang rumehistro sa mukha ni Jake, mabilis lang yun at mabilis na binawi pero nakita ko lahat yun. Naiiling na lang ako. Hindi ako tanga para hindi makita na parehong may gusto sa isa’t isa sina Jake at Lindsay. Pinagseselos ni Jake si Lindsay gamit ako at ito namang si Lindsay ay pinagseselos si Jake sa pamamagitan ng pagiging sweet kay Mark. Ang gulo ng buhay ng tatlong ito. Masyado nilang pinakokomplikado ang mga buhay nila. Wala ba silang ibang problema kaya marami silang panahon sa mga kakornihan?

“Hay… ang sarap sigurong maging mayaman.” Nakangiti kong bulong sa aking sarili.

“Bakit ka nakangiti?” tanong ni Jake nang maiwan kaming dalawa.

“Selos ka no?” biro ko. Nakatingin kami sa magkasintahan.

“Hindi ah.” tanggi nito na halatang halata naman na nagsisinungalin.

“Okay, sinabi mo eh.” humakbang ako palayo dahil kanina pa naman ako nakapag paalam sa kanya. Humabol ito sa akin.

“Sandali, bakit kaba nang-iiwan? Sandali lang, kukunin ko ang sasakyan ko.” hindi na nito hinintay ang sagot ko at mabilis na itong umalis. Tuloy tuloy lang ako sa paglalakad dahil alam ko na kung saan ko siya tatagpuin.

Maya maya pa ay huminto ang sasakyan sa tapat ko at alam kong kay Jake yun. Hindi na ako naghintay na alukin at kusa na akong pumasok sa loob.

“Bakit mo naman ako iniwan kanina? Ikaw yata tong nagseselos eh.” anito pagkasakay na pagkasakay ko.

“Lakas ng tama mo.” natatawa kong sabi.

“Talaga? Hindi ka nagseselos” nanghahamong tanong nito. Lihim akong natawa dahil napaka-assuming ng lalaking ito.

“Bakit naman ako magseselos? Oy, bayad na kaya ito.” tugon ko sa kanya.

“Sige nga. Kung hindi ka nagseselos, kiss mo nga ako.” pahabol nitong biro.

Bigla ko siyang nilingon at napatingin naman ito sa akin.

“Okay sige, halika.” sinadya kong maging seryoso ang aking boses, ganun na rin ang aking mukha.

Dumukwang ako palapit sa driver’s seat. Inilapit ko ang aking mukha sa kanya ng ilang pulgada lang ang layo. Inilapat ko ang aking hintuturo sa kanyang baba at bahagyang iniangat yun kaya napatingala siya sa akin. Pagkuway binigyan ko siya ng malagkit na tingin at ngiting nang-aakit. Tinitigan ko ang kanyang mga labi.

“Gano katagal mo ba gusto?” mapang-akit ang boses na ginamit ko.

Nakita ko ang pagkagulat sa mukha ni Jake at nanlaki ang kanyang mga mata. Ramdam ko ang pagtigil ng hininga nito.

“M-mira…” anito sabay lunok.

Inilapit ko ang aking bibig sa kanyang teynga at bumulong.

“Sabi ko na nga ba virgin ka pa.”

Pagsabi ko nun ay bumalik ako sa pagkaka-upo at tumawa ako ng tumawa. Ang yabang niyang maghamon pareho lang naman yata kaming virgin. Sumakit ang aking tiyan sa katatawa.

Napansin kong hindi ito tumutugon at ng lingunin ko sya ay nakakunot ang kaniyang noo kaya itinigil ko ang aking pagtawa.

“Wag mo nang uulitin yun.” mariing sabi nito.

Natahimik na lang ako ng makita ang itsura nya na napakaseryoso. Nag-alala ako na baka napasobra yung biro ko at nasaling ko ang pagkalalakî niya.

“Sorry!” mahina kong sambit.

“Mira, You have no idea what I'm capable of. Lalo na at tayong dalawa lang dito kaya wag mo nang uulitin yan kung hindi mo kayang panindigan.” matiim ang tingin na ibinigay niya sa akin. Para akong napaso sa tingin niya kaya iniwas ko ang aking mga mata.

Kasabay nun ay kumabog ang aking dibdib dahil sa sinabi niya. Sa unang pagkakataon ay nakaramdam ako ng pagkailang sa kanyang presensya. Parang nagkaroon ng kakaibang tensyon sa pagitan naming dalawa na hindi ko maipaliwanag. Wala kaming imikan buong biyahe hanggang sa maihatid niya ako sa aking trabaho. Inihinto niya ang sasakyan sa harap ng coffee shop.

“Mira…”

“Bye.” yun lang ang sinabi ko at mabilis akong bumaba ng sasakyan nang hindi siya nililingon upang takbuhan ang sitwasyon namin. Mabilis akong pumasok sa coffee shop at pagdating ko dito sa loob ay parang ngayon lang ako nakahinga. Sapo sapo ko ang aking dibdib na walang tigil sa pagtambol.

Muli akong napalingon sa labas at nakita kong naroon pa rin ang sasakyan ni Jake, na hindi naman nito normal na ginagawa. Dapat ay kanina pa ito nakaalis. Bigla na naman kumabog ang aking dibdib at mabilis akong pumasok sa backroom.