Chapter 14

Mira POV

Nagkatinginnan kami ni kuya.

“Boyfriend mo?” tanong niya. Napayuko ako at dahan dahang tumango.

“Sorry!” nahihiya kong tugon.

“Gwapo ah.” nakangiting sabi ni kuya. Umaliwalas ang aking mukha dahil sa positibong reaksyon niya.

“Inlove na ang kapatid ko.” pabirong winika ni kuya. Napangiti naman ako sa sinabi niya.

Muli kaming napalingon kay Jake ng makalapit na siya sa amin. Nakatingin ito kay kuya Alfred.

“Anong ginagawa mo rito?” tanong ko sa kanya. Saka pa lang niya ako nilingon.

“Sinusundo ko ang girlfriend ko. Ihahatid kita pauwi.” anito at muling tumingin kay kuya.

“Si kuya Alfred nga pala.” pakilala ko.

“Kapatid mo?” tanong ni Jake. Sasagutin ko sana siya ngunit inunahan na ako ni kuya.

“Kababata niya.” ani kuya. Kumunot ang noo ni Jake.

“Para ko na siyang kapatid. Lumaki kaming parang magkapatid.” paliwanag ko dahil parang kakaiba na ang kunot ng noo ni Jake.

“Kuya.., si Jake–”

“Boyfriend nya!” ani Jake.

Inilahad ni kuya ang kanyang kamay at inabot naman yung inabot ni