Chapter 5

Mira POV

“Napapayag mo na akong maging fake girlfriend mo kaya di mo na ako kailangang bolahin.” tugon ko sa kanya.

“I'm serious. I’m physically attracted to you. I think you're very beautiful. Sabi mo nga diba nagugwapuhan ka sa akin? The feeling is mutual so bakit hindi na lang natin totohanin?” paliwanag nito.

Oo nga, sa isip isip ko. Physically attracted din ako sa kanya pero hanggang doon lang. Ano naman kaya ang mangyayari sa amin kung magiging kami? Siguradong napakaboring nun.

“Para sa nagmamahalan lang yun.” tugon ko sa kanya.

“Pwede nating subukan, malay mo madevelop.” anito. Kung hindi ko lang alam na inlababo ito sa ibang babae ay iisipin ko na seryoso nga ito sa sinasabi niya.

“Ayoko, baka hindi mo ako bayaran. Ikaw ha, para-paraan ka para makaligtas ka sa bayarin.” pabiro kong sabi.

“Hindi ah, marami akong pera.”

Narinig ko ang malakas niyang pagtawa. Hindi nakawala sa akin ang pantay pantay nitong ngipin na halatang alaga ng dentista. Ang gwapo lalo nito kapag tumatawa. Hindi ko talaga maintindihan kung anong nasa utak ng Lindsay na yun para tanggihan ang ganitong kagwapong lalaki para kay Mark.

“Basta sabihin mo lang sa akin kung gusto mong totohanin to, hindi kita babastedin.” pabiro nitong sinabi.

“Hindi mangyayari yun, sigurado ako, si Lindsay lang ang laman nyang puso mo. Kitang kita dyan sa mukha mo, parang nakatatoo.” tugon ko sa kanya. Tumahimik itong bigla.

“You’re right, I still love her kahit binasted niya ako.” biglang nalungkot ang boses nito

“Kung talagang mahal mo, bakit hindi mo ipaglaban?” wika ko. Sus, para namang may alam ako pagdating sa pag-ibig kung makapagbigay ng advice.

“It’s not that easy. Mark is a good friend of mine. Kung ako ang pinili ni Lindsay, sigurado akong igagalang din ni Mark ang desisyon nito. Nawala na nga sa akin ang babaeng mahal ko, ayoko namang pati kaibigan ko mawala sakin. Sa mundong ginagalawan namin, mahirap makahanap ng totoong kaibigan.” pagkukuwento ni Jake.

Ang hirap pala ng sitwasyon ni Jake, nakaramdam tuloy ako ng konting habag sa kanya.

“Kawawa ka naman.” bigla kong nasabi ngunit binawi ko rin.

“Ay hindi pala, kasi mayaman ka. Mas kawawa nga pala ako.” dugtong ko. Napatawa naman si Jake sa akin.

“Ang swerte naman ni Lindsay, pinag-aagawan siya ng dalawang gwapo.” usal ko.

Totoo sa loob ang aking sinabi. Isipin mo naman, habang ako ay namumroblema kung saan makakahanap ng pera, si Lindsay naman ay namomroblema kung sino sa dalawang nagugwapuhang lalaki ang pipiliin.

“Mahirap din ang sitwasyon niya.” pagtatanggol ni Jake.

Napailing ako, inlove talaga ito sa babae. Kakaiba itong mainlove, Grabe. Hindi alam ni Lindsay kung gaano siya kaswerte kay Jake.

“Problema ng magaganda. Sana all.” biro ko.

“Bakit, sa ganda mong yan wala kabang ganung problema?” ito naman ang nag-usisa.

“Tigilan mo nga katatawag sa akin ng maganda. Kung totoo yan mahaba na sana pila ng manliligaw ko. Ako sana ang iniiyakan mo ngayon at hindi si Lindsay” nakatawa kong sabi.

Nakita ko ang kinang sa mga mata nito na parang handang makipagbatuhan ng linya.

“Kung nagpakita ka agad sa akin, malay mo baka sayo ako unang nainlove. At saka sino namang maglalakas loob manligaw sayo, palagi ka sa libro nakatingin. Ilang beses ko kayang tinangkang magpapansin syo pero wala lang sayo. Para lang akong hanging dumaan sa harapan mo.” saad nito na ikinagulat ko.

“Anung pinagsasabi mo dyan eh ikaw kaya itong ubod ng suplado.”

“I’m used to girls checking me out and following me around. One time, nagkabunggo tayo pero hindi mo man lang ako tinapunan ng tingin dahil dun nakuha mo ang atensyon ko”

“Kelan naman yun?”

“See? Ni hindi mo nga maalala. So noong una, akala ko style mo lang yun para pansinin kita pero habang tumatagal napapansin ko na ganun ka lang talaga kahit kanino. Isang scholar na walang pakialam sa mundo kundi magbasa ng libro. Out of curiousity, ilang beses kong tinangkang magpapansin sayo just to see kung makukuha ko ang atensyon mo. Aaminin ko, nakakababa ka ng confidence ha.” Tumigil ito sa pagkukwento at tumikhim.

“And then… I saw you… “ naging pilyo ang pag ngiti nito at naningkit ang mga mata na tumingin sa akin.

Napatili ako at mabilis ko siyang nilapitan at tinakpan ng aking palad ang kanyang bibig.

“Wag mo nang ikwento!” utos ko sa kanya. Marahan niyang tinanggal ang aking kamay sa kanyang bibig at kumalas naman ako upang bumalik ulit sa aking pagkaka-upo.

“Then nahuli kitang umiihi sa damuhan.” napakabilis ng pagkakasabi nito at hindi ko man lang nagawang magreact agad. Napanganga na lang ako. Samantalang namimilipit naman sa pagtawa ang damuho.

“Wag na wag mong ikukwento sa iba yan ha. Lagot ka talaga sa akin.” banta ko. Ramdam kong namula ang aking mukha.

“Syempre sating dalawa lang yun. Balang araw ikukwento ko sa mga magiging anak natin.... and that's how I met your mom.” nakabungisngis na saad ni Jake.

“Natin? O sa mga anak nyo ni Lindsay?”

“Basted na nga ako diba so wala na kaming pag-asa. Tayo merun pa.”

“Binasted na rin kita diba? Kung gusto mo, ulitin ko pa. Basted ka!” ganti kong biro sa kanya.

“Hindi counted yun dahil girlfriend pa rin kita. Ano Mira, liligawan kita ha.”

“Ayaw ko, may mahal kang iba.”

“Mawawala din yun dahil wala na nga kaming pag-asa. Ano, payag ka na?”

“Magkano?” tanong ko. Napatawa ng malakas si Jake sa sinabi ko.

“Ibang klase, ano yun? Kailangang may application f*e? Sige ba, basta sasagutin mo ako eh.”

“Ligaw lang ang usapan.Sabi ko naman sayo, basted ka sa akin eh. Alam mo, yang pangungulit mong yan, dapat kay Lindsay mo ina-apply. Malay mo magbago desisyon niya.” tugon ko. Nakita kong nalungkot na naman ang kanyang mukha.

“Masaya na siya, kaya masaya na rin ako para sa kanya.”

“Kung magkakaboyfriend ako, sana ganyan din ako kamahal. Napaka-swerte talaga ni Lindsay sayo.”

“Kung magiging tayo baka matutunan nating mahalin ang isa't isa. Malay mo baka mas mahalin pa kita.”

“Ayan ka na naman. Maiiyak na sana ako para sa inyong dalawa, bigla mong babasagin. Pero alam mo, mukha ka namang mabait. Deserve mong maging masaya, sana balang araw maging kayo ni Lindsay.”

“Suntok sa buwan yang sinasabi mo.”

Narinig ko ang tunog ng alarm mula sa aking cellphone. Kinuha ko yun at in-off.

“Sige una na ako, may trabaho pa kasi ako.”

“Ihahatid na kita. Mula ngayon araw-araw na kitang ihahatid sa trabaho mo. Basta pag nagtext ako, magrereply ka ha.”

“Okay.”

“Yun nga palang 50k naipadala ko na sa account mo. Check mo na lang.”

Natuwa ako sa narinig. Sa unang pagkakataon ay makakahawak din ako ng ganung kalaking halaga.

“Salamat, para tuloy gusto na kitang sagutin ah. Baka kasi mas malaki ang ibibigay mo kapag tayo na.” biro ko.

“Ang bata ko pa para maging sugar daddy mo.” ganting biro nito.