Chapter 2

Mira POV

“Bye sir!” halos sabay sabay na binigkas namin ng lumabas ang kanilang guro at isa-isa na rin kaming naglabasan.

“May trabaho ka ba ngayon?” tanong ni Janet sa akin habang naglalakad kami palabas ng silid aralan.

“4 hours ang shift ko ngayon. Ikaw ba?” sagot ko.

Nagtatrabaho ako ngayon sa isang coffee shop. Ilang oras lang naman ang trabaho ko kaya naisisingit ko ito sa pag-aaral.

“Naku night shift ako, siguradong puyatan na naman to.” ani Janet. Stocker naman sa isang groceries ang kanyang part time job.

Paglabas namin ng silid ay agad naming nakitang nakasandal sa pader ng hallway si Jake at nakahalukipkip. Hindi na rin kataka- takang nakatambay pa rin ang mga kaklase kong babae sa hallway, dahil andun lang naman ang heartthrob ng school. Nang magsalubong ang aming mga mata ay dumiretso ito sa pagkakatayo.

“Ayan na boyfriend mo.” bulong ni Janet.

“Excuse me hindi ko siya boyfriend no.” mariin kong tanggi.

“Eh bakit, ipinagkakalat niya na girlfriend ka na daw niya?” anito.

“Sira-ulo yan!”

Simula kasi nung bigyan nya ako ng itlog na pula ay instant celebrity agad ako sa school at hindi ko ikinatutuwa yun, dahil ang tahimik kong mundo ay nagulo. Hindi ko na-enjoy ang gabing yun sa team building dahil ako ang naging tampulan ng tsismis ng mga estudyanteng Marites. Magaling sana kung maganda ang naririnig ko ngunit puro panlilibak lang ang natatamo ko sa mga kapwa estudyante.

“What does he see in her?”

“Gosh! She’s so cheap.”

“Wala siyang panama kay Lindsay”

Umuwi kami galing team building last Sunday. Wednesday na ngayon at ngayon ko lang ulit nakita itong si Jake. Noong Monday ay kumalat na boyfriend ko daw si Jake dahil sa bibig pa raw mismo nito nanggaling na kami na.

Si Jake ay dream boyfriend ng mga kolehiyala. Yung ma-link lang sa isang Jake Santillanes, kahit pa hindi totoo ay isang kasiyahan na para sa ibang babae. Unang kita ko pa lang sa kaniya ay sobrang nagwapuhan na ako dahil hindi naman ako bulag pero kahit minsan ay hindi ko siya pinantasya o kahit sino mang lalaki dahil napakarami kong pinagdaraanang problema sa buhay upang isipin ang tungkol sa usapang puso.

Mas maraming importanteng bagay ang umookupa sa utak ko ngayon. Mamaya pag-uwi ko ng bahay, malamang ay may panibago na naman akong poproblemahin. Gustong gusto kong pumapasok sa school at magtrabaho dahil pakiramdam ko ay nakawala ako sa hawla ng problema ngunit sinira ito ni Jake.

“Sa kabila tayo dumaan” bulong ko kay Janet. Tumalikod kami upang hindi kami mapadaan sa harapan niya.

“Wifey!” sigaw ni Jake at hinabol ako.

Nagkatinginan kami ni Janet sa narinig at pareho pa kaming napangiwi.

“Kadiri!” kinikilabutan kong sabi. Ang cheesy! Tawang tawa naman si Janet.

Mabilis na nakalapit sa amin si Jake at nasa harapan ko na agad ito.

“Pwede ba tayong mag-usap?” aniya.

“Una na ako, may daraanan pa ako sa library.” wika ni Janet.

Alam kong iniwan lang talaga niya ako para magkasarilinan kami ni Jake. Hindi ko pinansin si Jake at dire-diretso ako sa paglalakad. Alam ko namang susunod pa rin ito dahil kita ko sa mukha niya na determinado ito sa gustong mangyari.

“Maghanap ka na lang ng ibang pwede mong gawing panakip butas.” agad kong sinabi sa kanya.

Alam ko naman kung ano ang pinaplano ng lalaking ito. Ang palabasin na girlfriend ako upang hindi siya magmukhang kawawa dahil binasted siya ni Lindsay. Hindi ako naging scholar para hindi ko agad magets ang obvious naman na plano nito.

“Diba pumayag ka na? Wag mong sabihing umaatras ka?” ani Jake habang naglalakad kami.

Kami lang dalawa ang nagkakarinigan pero kita kong nakatingin sa amin ang mga estudyante sa paligid.

“Sinabi ko lang naman yun para umalis ka dahil ihing ihi na ako. Saka ano namang mapapala ko sayo.” sagot ko.

“Andaya mo, wala na dapat bawian yun. Alam na rin ng buong campus na tayo na.” ani Drake.

Tumigil ako sa paglalakad at hinarap siya.

“Pwede ko namang ipagkalat ng break na tayo. Isang sigaw ko lang ngayon na break na tayo, malalaman na nila.” wika ko dito.

Binigyan ko siya ng sarkastikong ngiti. Hindi niya ako basta mapapasunod sa childish game niya. Ngumiti naman ito ng nakakaloko. Hinugot nito ang cellphone sa kanyang bulsa at itinaas.

“May video ako dito na umiihi ka.” nakakalokong sabi nito.

Nanlaki ang aking mga mata dahil sa sinabi niya. Mabilis kong tinalon ang kanyang cellphone upang agawin yun ngunit napakatangkad ni Jake at hindi ko ito maabot. Hindi ako sigurado kung may video nga ba ito o wala pero kailangan kong makasiguro.

Sa katatalon ko ay napasubsob ako sa kanya at napayakap. Kinawit ng kaliwang kamay niya ang likod ng aking beywang upang alalayan akong huwag matumba habang ang kanang kamay nito ay nakataas pa rin hawak ang cellphone.

“Burahin mo na please!” naiiyak kong sabi dito habang yakap pa rin niya ako.

Napansin niya marahil ang pagpiyok ng aking boses dahil nakita ko na rumehistro ang pag-aalala sa mga mata nito. Lumuwag ang pagkakayakap niya at lumayo ako.

“Walang video. Hindi ko gagawin yun” pag-amin nito.

Bigla akong nakahinga ng maluwag dahil sa sinabi niya.

“Sorry na, wag ka nang umiyak. Baka sabihin nila kabago bago natin, pinaiiyak na agad kita.” mahinahong sabi nito.

"Hindi naman kasi nakakatawa yang joke mo." saad ko na nakatingin sa kanya.

"Sorry!" sinserong winika nito.

Pinahid ko ang namumuong luha sa aking mga mata.

“Ano ba kasi ang gusto mong mangyari? Bakit mo ba ito ginagawa?” mahinahon kong tanong sa kanya.

“Binasted ako ng nililigawan ko, ayokong magmukhang kawawa. Babayaran kita pumayag ka lang.” mabilis na salaysay nito.

“Bakit ako? Bakit kailangan mo pang magbayad eh isang sabi mo lang sa mga babae dyan siguradong may instant gf ka na agad?” tanong ko sa kanya.

“It’s very obvious that you have no interest in me. Any other women I choose will likely be clingy and want a commitment” paliwanag niya.

“And also, you're gorgeous. Even in a fake relationship, I have to choose someone I can show off.” patuloy nito habang nakatitig sa aking mukha.

Napailing ako sa sinabi niya. Talagang bobolahin pa ako para lang mapapayag niya.

Tutal balita na rin naman ako sa buong school at puro panlilibak mula sa mga estudyanteng babae ang natatanggap ko ay mabuti pang mapakinabangan ko na rin ito. Kailangan ko pa naman ng pera ngayon.

“Magkano?” tanong ko. Nakita kong lumiwanag ang mukha ni Jake.

“25 thousand pesos.” tugon nito.

“Doblehin mo papayag ako.” hirit ko sa halagang binaggit niya. Malaking halaga na para sa akin ang 25k pero sinusubukan ko lang kung lulusot ang hirit ko.

“Okay.” anito na hindi na nag-isip pa. Muntik na akong mapanganga ng pumayag agad ito.

“Okay pero one month lang.” pagkaklaro ko sa kanya.

“Hindi ba pwedeng 2 or 3 months para hindi halata?” tawad pa ni Jake.

“Basta ba babayaran mo ‘ko eh.” wika ko. Siya ang may kailangan sa akin kaya ako ang magdedemand.

“Sure, I’ll pay you 50k in advance and then 50k each month. Basta 3 months kitang girlfriend.” mabilis nitong sagot.

Lihim akong napailing. Mabuti pa ito, balewala lang na gumastos ng ganung kalaking halaga na ni hindi man lang kumukurap. Samantalang ako, ilang buwan ko pa kailangang pagtrabahuhan para lang magkarun ng ganung kalaking halaga. Okay na nga ako kahit sa 25k lang eh. Nakalusot lang yung hirit ko kaya mas pabor sa akin.

“Okay deal.” nakangiti kong sabi. Hindi mo iisipin kanina lang ay muntik na akong umiyak.

Inilahad ko ang aking kamay bilang pakikipagkasundo sa kanya at inabot niya ito. Nagulat ako dahil hindi ko inaasahang dadampian niya ng halik ang ibabaw ng aking kamay. Never pa akong nagkaboyfriend at ni minsan ay ni hindi ko pa naranasan kahit pa ang makipagholding hands sa lalaki maliban na lang sa aking kapatid.

“Maraming nakamasid, hindi naman nagsh-shake hands ang magboyfriend.” wika ni Jake matapos niya bitawan ang aking kamay.

“Mauna na ako, may trabaho pa ako.” paalam ko at tinalikuran ko na siya. Hindi naman ako nagmamadali pero gusto ko lang umiwas dahil ramdam ko pa rin ang init ng labi niya sa aking kamay.

“Ihahatid na kita.” alok nito habang sumasabay ng lakad sa akin.

“Hindi na kailangan, basta bayaran mo na lang ako.” tanggi ko sa kanya.

“Kailangan kong gawin ito dahil ang alam ng lahat, girlfriend kita.” pagpupumilit niya.

May kakulitan din pala ang lalaking ito. Ibang iba talaga ito sa impresyon ng mga estudyante na suplado ito. Mukha din naman siyang mabait kaya hidi rin ito nahirapan ng kumbinsihin ako. Hindi ako tumugon pero alam niyang sumasang-ayon ako sa gusto niya.

Nagulat na naman ako ng hawakan niya ang aking kamay. Napatingala ako sa kanya at ngumiti lang ito sa akin. Hindi na ako nagsalita dahil alam kong parte lang ito ng pagpapanggap namin. Naramdaman ko ang pagkabog ng aking dibdib, wala akong karanasan sa mga ganitong bagay kaya ang simpleng paghawak ng kamay na balewala lang para sa kanya ay napakalaking bagay na para sa akin. Nais ko sana na sa unang kasintahan ko ito maranasan. Kinumbinsi ko na lang ang sarili ko na kamay lang naman yun at hindi kabawasan sa aking págkababae.

Pinagbuksan ako ni Jake ng pintuan ng kanyang sasakyan bago ito nagtungo sa driver’s seat. Ramdam ko ang inggit sa mga matang nakatingin sa akin hanggang sa makasakay ako sa sports car niya. Hindi naman ako yung tipo na magpapa-apekto sa sasabihin ng ibang tao dahil may ibang laban ako sa buhay na mas pinagtutuunan ko ng pansin. Isa pa ay kailangan ko ng pera para makalayo na kami ni kuya Alfred sa napaka-lupit kong tiyahin.