Chapter 99

"Hindi pa rin namin malocate ang kinaroroonan ni Jhoanna. Nakabantay pa rin ang mga pulis sa kanilang tahanan," wika ni kuya Cris, habang inilatag niya ang isang papel na sa tingin ko ay mapa. "Wala siya sa kanilang bahay. Sinusundan namin ang kanyang mga magulang, ngunit tanging sa grocery store lang ang mga iyon nagtutungo."

"Wala bang ibang bahay ang babaeng yan?" tanong ni tito Frank.

"Ayun sa kanyang ama, pero hindi naman tayo naniniwala, wala na daw ibang bahay si Jhoanna. Sa kanila daw yun laging umuuwi." sagot ulit ni Cris.

"Ang dami na ng pinagdadaanan ng pamilya natin. Wag mo na lang itong babanggitin sa papa.. hindi pa siya nakakamove on sa pagkawala ni Marcus. Ayokong magpatung patong pa ang kanyang dinadala. Tayo na lang ang rumesolba nito," tugon naman ni tito Frank kay Cris.

Nakikinig lang kami ni tita Leona sa tabi. Ni isa sa amin ay walang mangahas na magsalita. Wala rin naman kaming maiiambag sa sitwasyong iyon kundi panalangin.

"Wala pa kaming lead kahit saan ti