Chapter 103

Pinapakain na niya si Drake, ng bigla itong magsalita.

'Naiinip na ko. Sana, nakakapaglakad lakad man lang ako dito sa loob ng bahay. Nakakapagod na ang palagiang nakahiga at nakaupo," reklamo nito sa kanya.

Labis na ang pangangayayat nito, dahil hindi sanay ang katawan ni Drake na walang ginagawa.

Napabuntong-hininga siya habang tinitignan si Drake. Kitang-kita niya ang pagka-frustrate nito, at naunawaan niya ang pinagdadaanan ng kaibigan.

“Pasensya ka na, Drake. Alam kong hirap ka na sa sitwasyon mo ngayon. Pero kailangan mong magpagaling,” malumanay niyang sabi habang ipinapahawak sa kanya ang kutsara ng pagkain. “Pero... pwede tayong maghanap ng paraan para maibsan ang pagkainip mo. Siguro puwede kang mag-ehersisyo nang kaunti dito sa kama, o kaya ay gumawa ng ilang bagay na ikasisiya mo habang nagpapagaling.”

Tumingin si Drake sa kanya, may kaunting ningning sa mga mata na parang may pag-asang nabuhay. “Talaga? Maaari bang magawa ko 'yon?” tanong nito.

“Oo naman, Drake. Kahit