Chapter 111

"Sigurado akong nasa mga liblib na lugar sina Jhoanna," si Cris iyon at ang iba nitong mga pinsan.

Nakiusap na si tito Frank sa mga kamag anak nila, na tulungan kaming hanapin ang aking mag ama.

"Saan naman maaaring dalahin ni Jhoanna ang mag ama?" Tanong ni Devon.

"Malamang, sa mga lugar na walang tao at walang nakakakilala sa kanila," sagot ni Cris. "Pero hindi natin puwedeng itigil ang paghahanap. Kailangan nating malaman kung saan sila maaaring nagtago."

Naghahanda na rin ang iba pang mga kamag-anak upang maghanap sa iba't ibang direksyon, patuloy na pinaplano ang bawat hakbang.

"Sa palagay ko, mas makabubuti kung magsimula tayo sa mga lugar na alam nating may kaugnayan kay Jhoanna," suhestiyon ni Devon, habang tinitingnan ang mapa na nasa mesa. "Baka may naiwan siyang bakas."

"Mabilis nakapunta si Jhoanna dito nung libing ni Trina, kaya maaaring narito lang siya sa paligid," sabi ko naman sa kanila, "nakikiusap ako, hanapin niyo ang anak ko saka si Drake."

"Oo, tama