Chapter 35

SCARLETT

PAGKARATING sa kwarto kung saan gaganapin ang shoot ay naabutan namin na abala ang lahat. Hindi din namin nakita si Claire dahil inaayusan pa rin daw ito. Ayaw naman ni Lucien na puntahan ang kasintahan dahil ayaw niyang makaabala.

Naupo na lang kami sa gilid habang nakamasid sa mga abalang tao. Wala rin kasi ang manager ni Claire dahil kasama ito ng dalaga sa dressing room, kaya wala ring makakausap si Lucien.

Maya-maya pa napatingin ako sa entrada ng pinto ng makitang papasok si Crystal, nakangiti ang babae habang may kausap na isang lalaki na kung hindi ako nagkakamali kasing edad lang niya at kasama nila sa project.

Masayang nag-kwekwentuhan ang mga ito. Hanggang mapatingin ako sa dalawang lalaking nakasunod sa kanila, nanlaki ang mga mata ko ng makilala ang mga ito. Si Thunder at Night! Anong ginagawa nila dito?

Napatingin sa gawi ko si Night saka simple akong tinanguan. Makahulugan naman akong tumingin sa kanya at na-gets naman niya ang gusto kong iparat