Chapter 34

SCARLETT

Magaan ang pakiramdam ko habang nakasunod kay Lucien papasok sa loob ng building ng kompanya. Good mood ako dahil sa nakalipas na dalawang araw ay todo pahinga lang ang aking ginawa. Hindi ako hinayaan ng lalaki na kumilos.

Nakakatawa nga dahil paso lang naman ‘yung natamo ko pero grabe niya ako pag bawalan. Daig ko pa ang nabaril at malala ang tama. Sa dalawang araw na iyon hindi ko naramdaman ang pagiging isang maid.

Nakasakay na kami ng elevator pinindot ko ang floor kung saan ang opisina ni Lucien. Papasarado na ang elevator ng may humarang na kamay kaya muli itong nag bukas. Napataas ako ng kilay ng makita si Crystal na abot tenga ang ngiti tapos pumasok sa loob at tumabi kay Lucien.

Nang ibaling ko ang tingin sa lalaki ay walang emosyon ang mukha nito habang nakatingin lang sa harap. Hindi pinansin ang kakapasok lang na si Crystal.

Napangisi na lang ako saka tumingin kay Crystal na patingin tingin sa katabing lalaki at halatang nagpapansin. Binalik