Chapter 36

SCARLETT

NAKATAAS ang isang kilay ko habang nanonood kela Lucien. Hindi namin masyado marinig ang kanilang sinasabi dahil hindi naman kalakasan ang kanilang boses.

Nagtataka tuloy ako kung ano na naman ang gusto ni Crystal. Halata sa mga mukha nila na hindi maganda ang kanilang pinag-uusapan. Pasulyap sulyap pa nga sila dito sa gawi namin.

Hindi ko naman magawa na lumapit dahil naguusap nga sila at baka madamay pa ako sa kung anong pinagtatalunan nilang dalawa.

Hanggang sa bumukas ulit ang pinto, namilog ang mga mata ko at napatayo dahil nakita kong si Claire ang papalabas pero napatigil din agad ito sa naabutang eksena.

Shit! Hindi man lang napansin ng dalawa na bumukas ang pinto. Huli na para sabihan ko pa si Lucien dahil kitang kita na ng girlfriend niya ang lahat. Ang malas naman!

Sinasabi ko na nga ba meron akong hindi magandang kutob e.

Tumingin ako kay Night, sakto nilingon din naman ako nito saka nakakaintinding tumango.

“Go ahead, kailangan k