Chapter 41

LUCIEN

Nasa kalagitnaan kami ng pinapanood ay ang ingay-ingay ni Hermosa. Akala ko pa naman ayaw niya ng Mystery pero grabe kung mang-hula sa susunod na mangyayari. Kulang na lang ay pumasok siya sa loob ng TV para siya na ang tumulong sa bida.

Nasa ganoon akong tagpo ng biglang tumunog ang aking cellphone kaya kinuha ko iyon sa aking bulsa. Napatigil ako ng makitang si Claire ang caller.

Dahil hindi ko pa sinasagot ang tawag napalingon na sa akin si Hermosa.

“Bakit hindi mo sinasagot ang tawag? Sino ba iyan? Client?” Nagtatakang tanong niya.

Napalunok ako saka nagsalita.

“It's Claire.” Pagkasabing pagkasabi ko ng pangalan ng babae ay lumiwanag ang mukha niya. Biglang na-excite.

“Sagutin muna! Baka handa na siyang makipag usap sayo. Atleast magkaayos man lang kayong dalawa. Kahit maging magkaibigan.”

Bumuntong hininga ako. Mahalaga talaga kay Hermosa si Claire. Parang hindi nga lang kaibigan kung ituring, parang kapatid na rin.

Sinagot ko ang tawag.