Chapter 46

SCARLETT

NANG maibaba ang paso ay agad kong nilapitan ang matanda.

“Lo,ok lang ba kayo? hindi naman sumakit ang balakang niyo?” Nag-aalala kong tanong.

“Ayos lang ako, Iha. Sanay na sanay ako sa ganitong klaseng trabaho. Sanay ako magbuhat ng mabibigat.” Nakangiting turan naman nito.

Nakahinga ako ng maluwag. Buti naman kung ganon. Nakikita ko sa matanda ang aking lolo. Hindi ko nga alam bakit magaan ang loob ko sa kanya. O, sadyang pag dating talaga sa matanda ay malambot ang puso ko.

“Mabuti naman ho kung ganon, Kayo ho ba ang bagong hardenero dito? Bakit naman Lo nagtatrabaho pa kayo sa edad niyong ‘yan? Dapat ho ay nagpapahinga na lang kayo. Nasaan po ba ang mga anak o apo niyo?” Sunod-sunod kong tanong.

Napansin ko na natigilan ang matanda, tapos bahagyang natawa. Akala ko ay sasagutin niya ang tanong ko kaso hindi. Binalikan niya ang ginagawa tapos naglagay ulit ng lupa sa malaking paso. Mukhang hindi pa pala siya tapos.

Tinignan ko ang natitirang pa