“Ma’am may naghahanap po sa inyo.” sabi ng kasambahay nila Annie. Kakaupo niya lang sa sofa ng mga oras na iyon at kagigising niya lang din. Hindi siya gaanong nakatulog kagabi dahil sa napakaraming iniisip niya.
“Sino daw?” nakapikit pa ang mga mata niyang tanong rito. Tanghali na ng mga oras na iyon at wala na si Lucas. Ang mga anak niya naman ay pumasok na rin sa school dahil limang taon na ang mga ito. “Via daw po ang pangalan at kaibigan ninyo.” sagot nito na ikinamulat niya ng kanyang mga mata at dali-daling tumayo mula sa kanyang kinauupunan at lumabas para tingnan kung si Via nga talaga iyon. ~~~~ “Ang tagal mong nawala…” sabi ni Annie kay Via nang nasa sala na sila. Si Via nga talaga ang nasa harap niya. Halos ilang taon niya rin itong hindi nakita. Nang mga oras na iyon ay tinitingnan nito ang photo album kung saan nakalagay ang mga larawan nila ni Lucas nang ikasal sila. “Napaka-engrande ng kasal mo Annie at masaya ako na ikinasal ka na sa wakas sa taong mahal mo. ang pinaka-pinanghihinayangan ko lang ay ang hindi ko ito nasaksihan mismo sa sarili kong mga mata.” malungkot na sabi nito sa kaniya. “Pasensiya ka na Via, si Lucas ang nagplano ng lahat tungkol sa kasal na yan at nang mga panahong iyon ay hindi na kita ma-contact pa. Naalala mo ba ang pinag-usapan natin noon? Na kung sino ang mauunang ikasal ay magiging bridesmaid?” sabi niya at hindi niya mapigilang mapaluha. Sobrang na-guilty siya. Nag-angat naman ng ulo si Via at nakita niya ang pagdausdos ng luha mula sa mga mata ni Annie. Agad niyang iniunat ang kanyang kamay at marahang pinunasan ang lukha sa mukha ni Annie at ngumiti ng bahagya. “Ano ka ba, okay lang iyon.” sabi niya rito. “Pasensya ka na talaga.” muling sabi ni Annie. Ngumiti si Olivia at sinubukan niyang aliwin ito. “Okay lang talaga ano ka ba. Ang importante ay kasal ka na sa taong mahal mo, kaya huwag ka ng malungkot.” sabi niya rito. Mabuti na lang at kumalma din si Annie at pagkatapos ay tumayo. Hinawakan nito ang kamay niya at hinila siya patungo sa pangalawang palapag ng bahay nila. Ilang sandali pa ay nilingon siya nito. “Bakit ang lamig ng kamay mo, may sakit ka ba? Isa pa ang nipis ng damit mo, medyo maginaw ngayon. Dapat ay magsuot ka ng makapal para hindi ka lamigin.” sabi nito sa kaniya. Napangiti naman ng bahagya si Olivia. “Siguro ay dahil na rin sa trabaho ko noon para mapanitili ang katawan ko kaya nasanay na din ako.” sagot niya rito ngunit pagkatapos lang niyang sabihin iyon ay bigla na lamang hinubad ni Annie ang suot niyang jacket at isinuot sa kaniya. “Salamat, Annie.” sabi niya rito. Dinala siya ni Annie sa balkonahe dahil mas magandang tumambay doon at nag-usap pa sila tungkol sa ilang mga bagay hanggang sa wakas ay nagawa nang itanong ni Annie ang gusto niyang itanong rito. “Via, aalis ka pa rin ba ngayon at muling magtatago?” tanong niya rito dahil halos ilang taon din itong hindi nagpakita sa kanila. Nagpadala siya kanina doon ng meryenda. Bago ito sumagot ay dinampot nito ang baso ng juice at uminom pagkatapos ay umiling. “Hindi na.” sagot nito sa kaniya. “Sigurado ka ba?” muling tanong ni Annie rito. Tumango naman si Olivia pagkatapos ay ibinaba niya ang baso at sumagot. “Oo, napag-isipan ko na iyon. Isa pa ay may mga bagay na kailangan ko talang harapin dahil hindi ko naman maiiwasan ang mga iyon. Walang mangyayari sa akin kung patuloy lang akong magmumukmok sa isang tabi.” sagot niya rito. Mabilis din naman na napatango si Annie sa kaniya. Napabuntung-hininga ito. “Alam mo ba na nitong mga nakalipas na taon ay hinahanap ka ni Tristan?” tanong niya rito. Ngumiti naman siya ng bahagya. “Alam ko.” sagot niya. “Sa katunayan nga ay ilang beses na niya akong muntik na matagpuan pero mabuti na lang at nakaalis ako kaagad bago pa man niya ako matagpuan.” dagdag pa niya at pagkatapos ay napabuntung-hininga. “Pero Annie, sapat na ang ilang taon na iyon. Ayaw ko nang magtago pa kaya pinag-isipan ko itong mabuti, babalik na ako.” Natigilan naman si Annie nang marinig niya ito. Alam niya na sa loob ng ilang taon ay nagkalabuan ang mga ito na naging resulta ng pagiging miserable ng buhay ni Olivia. Agad niyang niyakap ito. “Via, kung hindi ka pa talaga handa at kung ayaw mo siyang makita o ni makasalamuha ay pwede tayong magtayo ng flower shop. Ako ang magtatayo tapos ikaw ang mag-mamanage para hindi ka na mahirapan pa.” sabi niya rito. Niyakap din naman siya nito. “Salamat, Annie.” sabi nito at lumayo sa kaniya. Ngumiti ito sa kaniya. “Bago pa man ako nagpakita sayo ay nakapag-isip na ako. Kung saan ako nalugmok ay doon din ako tatayo. Ang pagiging artista ang pangarap ko at gusto ko paring bumalik sa industriya.” sagot nito sa kaniya. Hindi siya nakapagsalita ngunit ang kanyang mukha ay punong-puno ng pag-aalala. “Via, talaga bang nakapagdesisyon ka na?” tanong niya muli rito. Bago ito nawala na parang bula ay halos masira ang reputasyon niya dahil kay Tristan. Isa pa, nabalitaan niya na ipina-block siya ng pamilya ni Tristan sa mga kumpanya kaya alam niya na hindi ganun kadali ang bumalik sa industriya ng ganun-ganun lang. “Sigurado na ako Annie.” sabi niya at ngumiti. “Annie hindi ako magsisinungaling sayo, paulit-ulit kong sinabi sa sarili ko na baka hindi talaga ako para doon pero nitong nakaraan ay may isang direktor ang lumapit sa akin at sinabi niya na kung gusto ko daw bang bumalik ulit sa pag-aartista.” sabi niya rito. “Dahil doon ay nag-umpisa na naman makaramdam ang patay kong puso sa kagustuhan niyang makabalik kaya tinanggap ko at umuoo ako.” muli siyang ngumiti. “Ito ang pinangarap ko na at ayaw kong isuko ang pangarap kong iyon dahil lang sa kaniya.” sabi niya sa matatag na tinig. “Via…” ibinuka ni Annie ang kanyang bibig. “Pero si Tristan, baka mahanap ka niya.” nag-aalalang sabi niya rito. Napasimangot naman si Olivia nang marinig niya ulit ang pangalan nito. “Ayoko pa siyang harapin sa ngayon Annie. Sa totoo lang ay hindi pa ako nagpunta sa kahit saan dahil sa takot ko na baka nga makita ako ng mga tauhan niya. Pwede mo ba akong tulungan na makahanap ng lugar kung saan ako pansamantalang pwedeng magtago?” tanong niya rito. Mabilis naman na nag-isip si Annie kung saan niya pwedeng papuntahin si Via, ngunit ang mga lugar na naisip niya ay alam niyang madali lang din nitong mahahanap hanggang sa bigla niyang naisip si Kendra. Dali-dali niyang kinuha ang kanyang cellphone at tinawagan niya ito. Nang marinig naman ni Kendra ang sinabi niya ay mabilis naman itong sumang-ayon sa kaniya. “Sige Annie, papuntahin mo siya rito. Alam mo naman kung saan ang bahay ko hindi ba?” tanong nito. “Oo alam ko. Salamat, Kendra.” sabi niya rito. “Ano ka ba, wala yun. Ang kaibigan mo ay kaibigan ko na rin. Huwag kang mag-alala kapag narito siya ay hindi ko siya pababayaan.” sabi nito at pagkatapos lang nun ay ipinahatid niya sa kanilang driver si Olivia sa bahay ni Kendra. Tungkol naman sa pagdating ni Via doon sa bahay nila ay talagang binilinan niya ang kanilang kasambahay na huwag sabihin sa kahit sino na nagpunta ito doon maging pati na rin kay Lucas.Nang buksan ni Kendra ang pinto at nakita niya ang babaeng nakatayo sa kanyang harapan ay labis siyang nagulat. Dali-dali niya itong pinapasok sa loob ng kanyang bahay. Kinagabihan ay nagluto si Kendra ng hapunan at sabay silang kumain ni Olivia. Pagkatapos nilang kumain ay nanuod silang dalawa ng Tv sa sala. Ilang sandali pa ay biglang tumunog ang cellphone ni Kendra at nang tingnan niya kung sino ang tumatawag ay nakita niyang si Greg pala kaya agad niyang sinagot ito. “Nasa bahay ka ba?” tanong nito sa kaniya. “Oo nandito ako.” mabilis naman na sagot niya rito. “Sige pupunta ako diyan.” sabi nito at agad na nitong pinatay ang tawag kahit na gusto pa sana niyang magsalita. Napabuntung-hininga na lamang siya. Pagkalipas nga lang ng sampung minuto ay may narinig siyang katok mula sa pinto. Agad siyang tumayo at nagtungo sa pinto upang buksan ito. Pagbukas niya ng pinto ay may inabot ito sa kaniya. “Ipahid mo yan sa noo mo dahil baka magkaroon ng peklat.” sabi nito, pumunta pala i
Bago pa man nito matapos ang sasabihin ay binuksan niya ang pinto. Nakatayo siya doon ngunit parang wala siyang pakialam at parang sobrang namamanhid ang buong katawan. Napatitig naman si Tristan kay Olivia nang buksan nito ang pinto. Nakasuot ito ng pantulog na napakanipis at halos makita na ang katawan nito sa likod ng manipis na damit. Nilingon niya ang kanyang mga tauhan sa kanyang likuran. “Anong tinitingin-tingin niyo? Lumabas na kayo!” sigaw niya sa mga ito. Samantala, si Olivia ay nakatitig kay Tristan ng malamig, ang kanyang mga mata ay napakalamig na para bang nakatingin siya sa isang estranghero. Sa sumunod na sandali ay nag-iwas siya ng kanyang mga mata dahil halos ayaw niya itong makita. Hindi nagtagal ay naramdaman niya ang pagbalot ng amerikana nito sa kaniya. Biglang nagtagis ang mga bagang ni TRistan. “Sino ang nagpahintulot sayo na magsuot ka ng ganyang klaseng damit?” galit na galit na tanong niya rito. Nagtaas naman ng ulo si Olivia at malamig na tiningnan siya
Naramdaman niya na inabot nito ang kanyang paa. Nagmulat siya ng kanyang mga mata. “Tristan, huwag mo akong hawakan ano ba!” angil niya rito. “Huwag kang mag-alala Olivia. Hindi kita kakainin.” sagot nito sa kaniya at sa sumunod na sandali ay itinaas nito ang kanyang paa ay pagkatapos ay ibinalot nito ang mga kamay nito rito. Dahil doon ay nakaramdam siya ng init mula doon. Dahil sa ginawa nito ay hindi niya maipagkakaila na medyo gumaan nga ang pakiramdam niya at hindi na rin siya gaanong nilamig at muling pumikit kaya lang ay bigla siyang muling napamulat nang maalala niya na kamay nga pala ni Tristan iyon. Natigilan siya, nagugustuhan niya ba ang mga kamay nito sa paa niya? Halos hindi siya makapaniwala sa kanyang sarili dahil rito. Hindi nagtagal ay nakabawi din naman siya. Malinaw sa kanyang isip na na dapat ay hindi na siya naaapektuhan pa sa ginagawa ng lalaking ito. “Bitawan mo ako!” sigaw niya rito. Samantala, sa halip naman na bitawan siya nito ay mas lalo lang nitong hin
Ilang sandali pa nga ay binitawan siya ni Tristan at napabuntung-hininga. “Kung ganun, bakit hindi ka lumaban?” tanong nito sa kaniya.Nang marinig naman niya ang tanong nito ay dahan-dahan niya itong binalingan. Halos tumaas ang sulok ng kanyang labi ng mga oras na iyon. “Sa tingin mo ba ay may silbi pa kapag nanlaban ako?” balik niyang tanong rito. “Hindi ba at iyon naman ang gusto mo? Ang maging masunurin ako sa lahat ng gusto mo.” dagdag pa niyang sabi rito.“Olivia…” tawag nito sa kaniya at pagkatapos ay hinawakan nito ang kanyang baba at bahagyang pinisil. Ang hininga nito ay tumatama na sa kanyang mukha ng mga oras na iyon. “Oo nga, gusto ko ngang maging masunurin ka pero hindi sa punto na para ka na lang isang estatwa na hindi man lang gumagalaw. Sa tingin mo ba ay magiging masaya ako sa ganun?” tanong nito sa kaniya.Tumaas ang sulok ng kanyang labi ng tuluyan at sinalubong ang mga mata nito na. “Huwag kang umasa na, dahil kahit na anong gawin mo hinding-hindi mo ako mapapasu
BIGLANG NAMULA ANG mga mata ni Missy dahil sa sinabi nito. Napuno ng sama ng loob ang kanyang dibdib. “Tristan nakalimutan mo na ba kung sino ako? Hindi ako ibang babae lang dahil asawa mo ako!” puno ng hinanakit na sambit niya rito.“Sa papel lang naman tayo kasal hindi ba?” malamig na tanong ni Tristan sa kaniya. Napakagat sa kanyang labi si Missy nang marinig niya ang sinabi nito ngunit sa kabila nun ay tiniis niya ang sakit na gumuhit sa kanyang dibdib at hindi niya hinayaang malaglag ang luha sa kanyang mga mata.Malamig ang mga matang ni Tristan na nakatingin sa kaniya ng mga oras na iyon katulad ng dati. “Huwag mo akong susundan. Kung gusto mong kumain sa restaurant na iyon ay kumain ka pero pumunta ka mag-isa mo at kung ayaw mo naman ay mas mabuting i-cancel mo na lang iyon.” sabi nito. Sa kabila ng pagpipigil niya sa kanyang emosyon ay nahulog pa rin ang isang butil ng luha mula sa kanyang mga mata sa isang iglap at nasundan pa.“Tristan…” sabi niya at inabot ang kamay nito.
PAGDATING NI TRISTAN sa bahay ay sarado pa rin ang pinto ng silid ni Olivia. Mabilis siyang lumapit rito. “Olivia…” tawag niya at kumatok sa pinto. Napakalambot ng tawag niya rito ng mga oras na iyon. At kung ikukumpara sa pakikitungo niya kay Missy ay napakalayo ng pakikitungo niya kay Olivia. “Tanghali na, bumangon ka na.” muli niyang sabi ngunit tahimik pa rin sa loob ng silid at nananatiling walang sagot.Ilang beses pa siyang kumatok at tinawag ito ngunit tuluyan na nga siyang naubusan ng pasensya. Sa pag-aakala niyang ginagawa nito iyon dahil nagrerebelde ito sa kaniya ay bigla siyang nagalit. “Olivia…” muli siyang kumatok ngunit ang kanyang tinig ng mga oras na iyon ay puno na ng inis at medyo pasigaw na rin ang kanyang pagsasalita. “Lumabas ka na diyan ngayon din, huwag mo akong hamunin dahil baka hindi mo magustuhan ang gagawin ko sayo.” puno ng banta na sabi niya ngunit walang sumagot.“Lumabas ka na. Hindi uubra sa akin ang pagtitiis mo sa gutom mo!” sigaw niya ulit ngunit
HALOS DALAWANG ORAS PA ang lumipas ay nanatili pa ring walang malay si Olivia. Tulog na tulog pa rin ito habang nakahiga at mahigpit na nakapikit ang mahahaba nitong pilikmata. Ang mukha nito ay napakaputla. Sa mga oras na iyon ay nanatili si Tristan sa tabi nito at hindi umalis.Tumunog muli ang cellphone ni Tristan ng mga oras na iyon. Sa katunayan ay ilang beses na iyong tumunog at ngayon niya lang iyon sinagot. Si Kent ang tumatawag sa kaniya, ang kanyang assistant upang magtanong patungkol sa kanyang mga schedule sa hapon na iyon. “Gusto kong ipagpaliban mo ang lahat ng mga meetings ko ngayong hapon hanggang bukas. Ang mga naiwan kong trabaho sa opisina ay ipadala mo na lang sa aking email at dito ko na lang gagawin. Ipinadala ko rito ang laptop ko.” simpleng sagot niya sa tanong nito.“Sige po sir.” magalang na sagot naman nito sa kaniya.NANATILING tulog si Olivia at halos padilim na nang magmulat siya ng kanyang mga mata. Kulay puting kisame ang sumalubong sa kanyang mga mata
PINAUPO SIYA NI TRISTAN sa kama at pagkatapos ay kumuha ito ng malamig na tubig at isang tuwalya pagkatapos ay ipinunas nito sa kamay niya na napaso. Halos kalahating oras nitong pinunasan ang kamay niya at nang makita nitong medyo nawawala na ang pamumula ng kamay niya at binuksan nito ang ointment na ipinakuha nito sa tauhan nito at pagkatapos ay ipinahid ito sa kamay nya.“Mas maganda na ba ang pakiramdam mo ngayon?” tanong nito sa kaniya sa masuyong paraan. Dahil naman sa pagkakatanong nito sa kaniya ay mabilis niyang binawi ang kanyang kamay mula rito. Hindi siya sumagot. Sa sumunod na sandali ay napabuntung-hininga ito at tumalikod sa kaniya. Ilang sandali pa ay bumalik ito na may hawak na isang baso at inilapag sa mesa. “Maligamgam na lang yan ngayon, saktong-sakto kapag ininom mo.” sabi nito sa kaniya.Sa oras naman na iyon ay biglang may kumatok. Nang bumukas ang pinto ay pumasok ang assistant ni Tristan na si Kent. “sir…” tawag nito kay Tristan.“Ano?” malamig naman na tanon