Kabanata 45 (part 2)

"Ui Ms. beautiful, ang aga aga pa pero ang lalim na ng iniisip mo." Sita sa akin ni Rina habang nagpapalit ako ng uniporme. Nagkataong nagkasabay kami ng dating dito sa locker namin.

Napabuga lang ako ng hangin at tipid na ngumiti.

"Sino ang iniisip mo? Si Sir Keron ano? Nililigawan ka na ba?" Dagdag pa nito kaya marahan kong natampal ang noo niya.

"Tumahimik ka nga at baka marinig ka ng mga marites sa paligid. Ligaw agad? Saan mo ba nahagilap yan?" Sagot ko matapos makapagbihis at agad ding inihanda ang mga gamit na gagamitin sa paglilinis.

"Syempre, iba kasi siya tumitig sayo. Tsaka binibigyan ka ng pagkain, sinusundo pa. O ano walang lang yun? Manhid ka ata eh." Pamimilit pa nito kaya bahagya akong natawa.

"Sira! Assumera ka naman masyado eh kaibigan lang ang tingin nung tao. Tsaka maraming babae yun, magaganda pa at mayayaman. Alam mo naman siguro ang chismis." Ani ko pa at tuloy tuloy na lumabas bitbit ang mop at timba.

"Ah basta, hindi ako naniniwalang wala lang yun. Pustahan t