Kabanata 46

Cole?

Hindi ko maunawaan! Alam kong si Cole ang lalaki. Mas lalo nga lang siyang gumwapo sa ayos niya ngayon pero ang tindig, hitsura, pananalita at kilos, kilalang kilala ko siya kahit pa man ilang metro ang pagitan namin ngayon.

Pero bakit siya tinatawag na Conrad Lexus Farris? Ang nag iisang anak at tagapagmana ng bilyonaryong si Mr. Crisostomo Farris.

Shit! Naguguluhan ako! Parang sasabog ang utak ko.

Awang ang mga labi ko sa pagkagulantang at sa kaguluhan ng aking isipan. Wala na akong ibang marinig kundi ang malakas na pagtibok ng puso ko dahil sa pagwawala nito. Ni hindi ko magawang ialis ang mga mata sa lalaking bumuo sa pagkatao ko ngunit siya ring kusang bumasag.

"Ze! Ze! Zelena!"

Ang malakas na pagtawag na ito ni Rina kasabay ng pagtapik nito sa balikat ko ang nagpabalik sa akin sa realidad. Saka ko pa lamang napansin na naglaglagan na pala ang malalaking butil sa aking mga mata.

"Ze! Ayos ka lang? Ba--- bakit ka umiiyak?" Nag aalala at naguguluhang tanong ni Rina ngunit t