Kabanata 50

Namanhid ang buong katawan ko na maski gumalaw ay di ko magawa habang di inaalis ang mga mata sa lalaking nasa harapan ko. Samo't sari ang nararamdaman ko habang ito'y blangko at parang walang ekspresyon bukod sa mariin nitong titig na parang pinag aaralan ang kabuuan ng hitsura ko.

"Are you going to stand in there?"

Ang irritableng boses nito ang nagpabalik sa akin sa realidad matapos matulos sa kinatatayuan. Dahil sa nagwawalang damdamin at kaisipan ay hindi ko namalayang umalis na pala si Mrs. Tizon at kami na lamang dalawa ang naririto ngayon.

Napalunok ako ng ilang beses at napakurap. Paano niya nagagawang umakto ng para lang akong normal na tao sa paningin niya? Bakit parang hindi niya ako kilala?

"Damn! Are you deaf?" Tanong nito ulit kasabay ng pag angat ng isang sulok ng labi nito.

Di ko na napigilan ang mabilis na paglaglagan ng mga butil sa aking mga mata. Ang hirap hirap magsink in sa utak ko ng lahat. Si Cole ba talaga ang lalaking ito? Bakit nagagawa niya akong tingnan n