Kabanata 49

Puno man ng kaba at takot ay natagpuan ko pa rin ang sarili sa mismong building ng hotel kinabukasan. Didiritso na ako sa opisina ni Mrs. Tizon gaya ng nais niya. Dala dala ko ang medical certificate dahil ayaw ko namang umalis na may masamang record.

Kahapon naganap ang general meeting nila at ang hindi ko pagsipot ay patunay rin na talagang desidido na akong magresign.

Saktong papasok pa lang ako sa main entrance nang salubungin ako ni Rina. Saglit itong tumawag kagabi kaya nabanggit ko na sa kanya ang plano ko. Dami pa nga sana niyang tanong kaso isa lang ang dinahilan ko, yun ay upang maiwasan na ang mga bruhang sina Ms. Jessa at Lorraine.

"Zelena!" Yumakap agad ito sa 'kin at bahagya kaming pumagilid para walang ibang makapansin.

"Kumusta ka? Ano ba yan! Bakit ka naman magreresign agad agad. Alam kong palaban ka eh, bakit ka naman magpapatalo sa mga bruhang yun." Mahinang talak nito.

Akala kasi nito ay iyon talaga ang totoong dahilan. Nakakakonsensiya rin na di ko masabi ang toto