Kabanata 53

Nagreklamo pa ako kanina dahil dalawang beses na kaming nagkausap ng hindi ko napaghandaan tapos ngayo'y magkakaharap na naman kami ulit. Yun nga lang ay may mga kasama kami.

Di ko rin maiwasang tingnan ang kamay nitong nakahawak sa braso ni Lorraine. At ang hibang kong puso ay bigla na lamang kumirot. Nahihirapan akong tingnan ang kamay nitong nakadapo sa balat ng ibang babae.

Ayaw kong magpakaipokrita, noong nalaman kong may fiance na siya ay talagang kakaibang sakit ang dulot sa puso ko. Pero mas masakit pala kung mismong nakikita ng mga mata ko na magkadikit sila at magkasama. At ang kaisipang baka may ginagawa pa silang higit pa sa ganoon ay parang tinutusok ng ilang libong karayom ang puso ko.

"Oh hi there bro, Lorraine!" Mababakas man ang pagkabigla sa mukha ni Keron ay nagawa pa rin nitong pormal na ngitian ang dalawa. Kinuha niya ang kamay na nakahaplos sa isang kamay ko at tumayo para batiin ang mga ito.

"It's good to see you two here! C'mon join us." Anyaya pa ni Keron na ma