Kabanata 52

Talagang hinintay ko pang mawala sa paningin namin ni Connor ang sasakyan ni Cole bago kami tuluyang lumabas ng paaralan.

Sobrang kabog ng dibdib ko na imbes maglakad ay pumara pa ako ng traysikel sa pagmamadaling makauwi. Na hanggang makarating sa apartment ay aligaga pa rin ang isipan ko.

"Are you okay mom? You're kinda sick and nervous po." Nag aalalang tanong ng anak ko nang makapasok kami sa loob. Siguro'y kanina pa nito napansin ang hitsura ko pero ngayon lang ito naglakas loob na nagkomento.

Umupo ako upang magpantay kami bago pilit na ngumiti.

"Baka tired lang si mama anak. Don't worry, mawawala din ito." Malambing na sagot ko at dinampian ito ng masuyong halik sa noo niya.

"Nandito na pala ang mag ina. Nagluto ako ng french fries para meryenda! Dali na baby magbihis na ikaw para makakain na!" Masayang turan ni Tita Charo habang nilalapag nito sa mesa ang nilutong french fries kaya naagaw ang atensyon namin ni Connor. Napalukso pa sa saya ang anak ko. Sinamahan na rin ito ni t