Kabanata 51

"Gusto ko tuloy isipin na inaalok mo ako ng date ngayon." Humahagikhik si Keron sa kabilang linya nang tawagan ko ito agad. Di ko maiwasang matawa at mapailing sa biro niya.

"Keron, seryoso ako. Kailangan talaga kitang makausap, mahalagang bagay ito." Seryosong sagot ko. Desidido na akong sabihin sa kanya ang totoo dahil alam kong siya lang ang bukod tanging makakatulong sa 'kin.

"I'm just kidding Ze. Anyway, susunduin nalang kita diyan mamaya. Let's talk about it over dinner." Nakahinga ako ng maluwag sa sinabi niya at nagpasalamat bago naputol ang tawag.

Alam ko namang hindi sila malapit ni Cole sa isa't isa gaya ng naikwento niya pero alam ko rin na napakalaki pa rin ng maitutulong niya sa 'kin lalo pa't magkasama sila sa iisang bahay dahil sa mga magulang nila.

"Uhmmm"

Rinig ko ang pagtikhim ni Tita Charo kaya napabaling ako sa kanya pagkababa ng cellphone

"Umaliwalas ata yang magandang mukha mo. Kausap mo ba yung lalaking palaging naghahatid sayo?" May himig panunukso sa boses n