Kabanata 48

Buong gabi kong pinag isipan ng maigi at buo na ang magiging desisyon ko.

"Huh? Magreresign ka?" Gulat na tanong ni Tita Charo nang sabihin ko sa kanya ang plano ko.

Marahan akong tumango. "Sa restaurant ni Keron nalang ako papasok ta."

"Aala ko ba pangarap mong makapasok sa hotel na iyon? Umiiwas ka ba sa ex mo? Hindi ba't sa inyong dalawa ay siya dapat ang mahiya sa pag iwan sayo? Siya dapat ang walang mukhang ihaharap sayo, hindi yung ikaw ang namomroblema." Komento ni tita na pawang totoo naman lahat.

Kaso mas iniisip ko ang kapakanan ni Connor. Paano kung malaman niyang nagkaanak kami? O paano kung ang anak ko mismo ang aksidenteng makakita sa kanya eh kilala na siya nun at sabik na sabik yun sa kanya? Dun palang sa posibilidad na iyon natatakot na ako. Ayaw kong masaktan si Connor lalo na ngayong malabo na ang lahat na maibigay ko ang kahilingan niya dahil may fiance na ang ama nito.

"Para kay Connor kaya ako umiiwas ta." Mabigat ang damdamin na sambit ko. Rinig ko pa ang malali