Mapanakit Mong Pag-ibig

Si Roxanne Madrigal ay simpleng babae at mayroong simpleng pamumuhay kasama ang kaniyang kuya sa kanilang maliit na bahay na iniwan ng kanilang mga magulang bago ito tuluyang mamayapa. Magku-krus ang landas nilang dalawa ni Rain Tyler Montenegro. Anak ng mag-asawang negosyante kung saan puro pasarap lang sa buhay ang nais gawin. Wala rin itong sineseryosong relasyon dahil mas nais nitong magkaroon lamang ng iba't-ibang babae na kaniyang maikakama at kapag nagsawa na siya rito ay hihiwalayan na niya ang mga ito. Sa isang okasyon magtatagpo ang landas nilang dalawa at sa hindi inaasahan ay may mangyayari sa kanilang dalawa na magiging dahilan upang mabuntis si Roxanne. Tuwang-tuwa ang magulang ni Rain dahil matagal na nilang gustong magkaapo ngunit isa itong bangungot para kay Rain. Kaagad silang pinakasal kahit na hindi sila sang-ayong dalawa. Dahil sa wala pa sa plano ni Rain ang mag-asawa ay wala siyang pakialam kay Roxanne at patuloy pa rin ang kaniyang pambabae. Magiging masalimuot ang buhay nito sa kaniya ngunit lahat nang karangyaan ay mararanasan ni Roxanne. Makakayanan nga ba ni Roxanne ang ganitong klase ng pamumuhay kung saan malalasap niya ang karangyaan ngunit hindi siya itinuturing na asawa ng taong kaniyang pinakasalan o babalik siya kung saan siya nagmula? Sisibol nga ang pag-ibig sa pagitan nilang dalawa o hahayaan niya ang kaniyang puso na mahulog kay Brian Montenegro na siyang laging nandiyan para sa kaniya? Sino kaya sa dalawa ang pipiliin niya?