Chapter 9

Palakad- lakad si Kuya Gerald sa may dining. Kami naman ni tita Amanda ay walang imikang nanonood sa kanya. Hindi namin malaman kung ano ang aming gagawin.

Bago umalis ang daddy at mommy ko, pinagbantaan niya ako na hindi niya ako matatanggap kailanman sa aming pamamahay, unless, pakakasalan ako ni kuya Gerald. Dahil para daw sa kanya, itinanan ako ni kuya.

Lalong malaking kahihiyan daw iyon, na sumama ako sa isang lalaking hindi ko naman kamag anak, at iniuwi ako sa kanilang bahay. Mas lalo lamang daw kaming mapapahiya, dahil parang pinagpasa-pasahan na lang daw ako ng mga lalaki.

Matapos niyang sabihin iyon, nagmamadali na silang umalis ng mommy. Ni hindi na nila hinintay na makasagot kami.

Kaya ngayon, lahat kami ay namomoroblema. Mawawasak ang buhay ko kapag ikinasal ako kay Mang Arnold, subalit pag-aasawa pa rin pala ang babagsakan ko. Minsan, iniisip ko na lang na gusto na akong mawala ng daddy ko sa poder nila.

"Pwede aiguro," tumigil paglalakad si kuya Gerald. Sabay k