Chapter 5

JANNA:

Sinamahan ako ni Mang Arnold sa aming tabakuhan, upang hintayin si kuya Gerald na ipinagbilin sa akin ng daddy. Nais daw nitong makita ang kabilang bahagi ng tabakuhan na hindi na nila nakita noong pumarito, sapagkat bumuhos ang malakas na ulan.

Ayoko sanang isama si Mang Arnold, ngunit kakagaling lang namin sa simbahan, upang mag inquire kung kailan ang date na maaari kaming magpakasal, at marahil naawa sa akin ang simbahan, ang sabi nila ay fully booked na ngayong taon.

Nakakahiya, subalit balitang balita na ang tungkol sa amin ng matandang ito. Nakakadiri ang amoy, laging amoy biha ng sigarilyo! at mukhang hindi araw araw naliligo. Akala ko, sa kwento lang ng mga kakilala ko, yung tungkol sa matandang ito, ngunit batid ko ngayon na totoo pala ang lahat ng iyon.

"Darling, ano bang gusto mong tawagan natin kung saka sakali?" hinawakan niya ako sa magkabilang balikat habang nakatalikod sa kanya.

"Ho?" bigla akong pumiksi upang mabitawan niya ako, saka lumayo ako ng konti, "eh.. bahala na ho kayo.." kinikilabutan talaga ako sa matandang ito.

"Sweet heart na lang kaya, kasi, napaka sweet ko naman sayo.." lumapit na naman siya sa akin, at ako naman ay lumalayo.

"Kayo na ho ang bahala.." lalayo pa sana ako, ng matalisod ako at tuluyang madapa.

"Ayan, iwas ka kasi ng iwas sa akin," inalalayan niya akong tumayo. Ngunit nagkamali ako, sana pala, hindi ko na iyon tinanggap. Agad niya akong niyakap at pinilit halikan sa leeg.

Halos masuka ako sa kanyang amoy. Mukhang nagnganganga pa ito, dahil sa kulay ng kanyang ngipin! Sunok na sunok ako, sa amoy biha niyang katawan.

"Wag ho Mang Arnold! wag ho.." hindi ako makawala sa higpit ng kanyang yakap.

"Pakiss lang ng isa, magiging mag asawa naman tayo eh," pinipilit pa rin niya akong halikan.

"Wag ho.. ayoko ho.." itinutulak ko siya, subalit napakahigpit ng hawak niya sa aking beywang

"Pwede nga kitang angkinin doon sa kubo.. halika," sabi niya.

At nagulat ako, dahil sa taas kong ito, naiangat niya ako at nabuhat. Hindi ako makapaniwala na sasapitin ko ito. Naisampa niya ang kalahati ng katawan ko sa kanyang balikat. Bakit hahayaan na lang ako ng daddy na ganituhin ng matandang pangit na ito!

Lahat ng Santo, tinawag ko na, at dahil sa likot ko, napilitan akong ibaba ni Mang Arnold. Napaupo ako sa balumbon ng mga tabakong pinapatuyo na.

"Wag ko," napapa atras ako habang nakaupo, napangisi naman ang matandang kalbo pagkakita sa akin.

"Ikakasal na naman tayo, bakit ayaw mo pang ibigay sa akin ang gusto ko?" tanong niya na papalapit na sa akin, "napapangitan ka ba sa akin?"

Diyos ko! at talagang tinanong pa ako kung napapangitan ako sa kanya. Bigla niya akong Dinaluhong, ngunit agad akong nakaiwas.

"Janna?! Janna?"!" tawag ng tinig naniyon mula sa labas. Nagmamadali akong tumayo, ramdam ko rin na tumayo si Mang Arnold.

"Ku-kuya Gerald!" nagmamadali kong ipinagpag ang aking damit, at nilapitan ko siya..

GERALD:

Usapan namin ni tito Sid, na ipapasyal niya ako sa kabuuan ng kabilang side ng kanyang taniman ng mga tabako. Noong nagpunta kasi ako doon, biglang umulan, kaya sa iisang side ako nakapunta. May nakaparada ng sasakyan doon na indikasyon na naroroon na ang aking kausap. Maglalakad pa ako, patungo sa gitna ng tabakuhan, kung saan, naroroon ang kanilang kubo. Nagsuot ako ng sweat shirt at jogging pants saka bota, dahil may kakatihan maglakad doon.

Nangangalahati pa lang ako ng nalalakad, natatanaw ko na may mga tao doon, isang babae at isang lalaki. Napansin ko na binuhat ng matandang lalaki, ang babaeng nakikilala ko, at alam kong si Janna. Nagmamadali akong tumakbo, at huminto saglit. Naririnig ko ang pagmamakaawa ni Janna, kay Mang Arnold.

"Mang Arnold, wag po," gumagaralgal pa ang tinig niya.

"Janna?! Janna?!" tawag ko sa kanya. Biglang sumulpot ang babae, at nagmamadaling tumakbo palapit sa akin.

"Ku-- kuya Gerald, andito ka na pala.." dumikit siya ng maigi sa akin.

Kasunod na rin niya ang matandang chinese na nagtatangka kay Janna kanina, "love, aalis muna ako, at may aasikasuhin ako ha," nag ayos pa ito ng zipper na akala mo ay may nangyari sa kanilang dalawa, "Sige hijo, iiwanan ko na muna si Janna sayo."

"Oho.." sagot ko. Nilagpasan na kami ng matanda, doon ko pa lang napansin ang paghinga ni Janna, na animo ay nakahinga ng maluwag.

"Buti dumating ka agad, kuya Gerald, kanina pa ako natatakot kay Mang Arnold," sumbong niya sa akin. "Kung hindi ka dumating, baka kung ano na ang nangyari sa akin."

"Malayo pa lang ako, napansin ko na kayo. Bakit ba kayo ang naririto?" tanong ko sa kanya.

"May inasikaso kasi ang daddy, nautusan niya ako na samahan ka daw muna dito, tapos nagkataong naroon din si Mang Arnold, nagprisinta na sasamahan ako. Ayoko nga sana, ngunit sabi ng daddy, kailangan daw naming magkakilala ng maayos kaya dapat madalas na kaming magkasama."

"Kahit lapastanganin ka? totoo bang nagmotel kayo ng boyfriend mo?" namulsa pa ako.

"Si tita Letty ba ang maysabi niyan? dinala lang niya ako doon, pero walang nangyari, hindi ako pumayag."

"Yun naman pala, walang nangyari, bakit kailangan ka pang ipakasal kung kani kanino?"

"Hindi kasi naniniwala ang daddy na walang nangyari sa amin ni Nick, tapos, si Mang Arnold na lang daw ang makakatanggap sa akin, kaya ipapakasal niya ako kay Mang Arnold.,"

"Eh, bakit daw?" napakunot ang aking noo.

"Sira na daw kasi ang karangalan ng pamilya naman."

"The heck with that karangalan! nasa new era na tayo, na karamihan, ang mga babae ay liberated na, ano ba naman yang tatay mo, sisirain pa ang buhay mo!" napabuga ako ng hangin na marahas.