CHAPTER 70: Rot in Jail

“TATAKAS KA PA ha?” galit na sigaw ni Charles kay Mr. Sandoval matapos nilang malaman na gusto nitong pyansahan ang sarili.

Dahil sa paging desperado ni Mr. Sandoval, naghanda pa ito ng malaking halaga para suhulan ang mga pulis na nakabantay sa kaso nito. Ngunit dahil sa tutok na pagbabantay ni King sa kaso, imposible na magawa nito ang panunuhol. Sa mga ganitong pagkakataon niya nagagamit ang kapangyarihang mayroon siya.

“Sa tingin mo, abswelto ka, Mr. Salvantez? Malaki rin ang kasalanan mo sa batas!”

Umiling na lamang si King. Hindi niya magawang ikaila na wala nga siyang kasalanan lalo pa’t hindi niya kaagad ipinaalam sa pulisya ang nangyaring kidnapping. Higit sa lahat kinuha niya pa ang mga tauhan nito. Ngunit wala na roong pakialam si King. Para sa kanya, nararapat lamang iyon sa mga taong halang ang bituka.

“Nasaan na ang sekretarya mo?” tanong na naman ni James kay Mr. Sandoval.

Nang pasukin kase nila ang lugar hindi nila nakita ang sekretarya na tinuturo ng mga tauhan ni