CHAPTER 75: Thought of Enjoyment 

“ANONG GINAWA MO, Bakla?” gulat na gulat na tanong ni Ruffa. Patunay na roon ang pagkawala ng tama nito sa alak dahil maayos na itong nakakapaglakad ngayon at hindi na pasuray-suray.

“Alam mong hindi ako namemersonal ‘di ba?” tanong niya sa kaibigan. “Pero sinagad niya ako lalo na nang malaman kong proud pa siya sa pakikiapid!”

Bahagya ang pagngiwi ni Ruffa nang maintindihan ang gusto niyang ipakahiwatig.

“Don’t tell me—”

“Oo, alam ko. Anak siya ni Sandoval pero wala sana akong pakialam doon pero nang malaman kong walang-hiya rin sita katulad ng tatay niya, hindi na ako nagdalawang-isip na gawin iyon.”

“I’m sorry…” nahihiyang sabi ni Ruffa. “Dapat nag-e-enjoy ka ngayon pero ito ang inabot mo rito.”

“Ayos lang. Tingnan mo nga, kung hindi dahil sa pangyayaring ito hindi ko malalaman na kaya ko pala na tumayosa sarili kong pananaw at ipaglaban ka.”

Hindi na kumibo si Ruffa at pinakinggan lamang ang sinasabi ng ex-girlfriend ni Charles. Katulad ng naging kasunduan nila, ito mismo ang aam