CHAPTER 76: The Lover's Secret

“WHAT THE FVCK, Liberty?” galit na boses kaagad ni Duncan a cellphone ang bumungad sa kanya nang sagutin niya ang tawag nito.

“What is it this time?” malamlam ang mga mata niya na nakatitig sa iisang direksyon ng coffee shop na iyon sa loob ng mall.

Aksidenteng nabaling ang tingin niya sa isang pamilya na masayang nagtatawanan. Makikita rin na close ang mga ito dahil nagbibiruan pa habang tila may hinahanap.

“Ano ang mga nakikita ko sa internet?” galit pa rin ang tinig ng asawa niya nang tanungin siya. “Answer me!”

Hindi kaagad sumagot si Liberty. Pinili niya na gamitin ang business phone niya para malaman ang ikinagagalit nito.

Ganoon na lamang ang paniningkit ng mga mata niya nang makita ang mga lumabas na resulta. Mga eksaheradong balita iyon at walang katotohanan tungkol sa kanilang dalawa ni King. Ayon sa mga kumakalat na tsismis, katulad ng dati, may relasyon daw silang dalawa at nagtataksil siya sa asawa.

Sa mga larawan naman ay makikita ang matinding pagkakalingkis niya sa b