CHAPTER 74: She Strikes Back

“IYAN KA NA naman, Bakla!” kunsumidong sabi ni Ruffa. “Kagagaling mo lang sa sakit pero kung ano-ano na ang gustong mong gawin. “Ayaw mo ba na sa ibang araw ka na lang pumunta? Magpagaling ka munang mabuti!”

“Bakla, kailangang ma-refresh ang utak ko. Atsaka, ikaw naman ang nagturo sa akin nito, ‘di ba? O bakit ngayon umuurong ka? Isa pa, papasok na ako sa headquarters sa susunod na araw.”

“At nasisisi pa nga ako. Ang sabi ko lang naman ay maghanap ka ng destruction para hindi kung ano-anong iniisip mo,” giit pa rin ni Ruffa sa kanya.

“Sige na, Bakla. Daanan mo na ako rito sa bahay. Mababaliw na ako rito—”

“Baka nakakalimutan mong katatanggal pa lang ng cast sa paa mo? Hindi pa nga tapos ang therapy mo tapos gusto mo pang gumala.”

Hindi kaagad nakasagot si Liberty. Alam niyang nag-aalala lang naman ang kaibigan niya kaya ito nasasabi ngunit hindi naman pwedeng ibaon niya na lang ang sarili sa takot. Kaya nga gusto niyang makipaghiwalay sa asawa dahil hindi niya nagagawa ang mga ganiton