CHAPTER 73: He's Here Again

NANG MAKASIGURADO NG tulog na si Merideth, dahan-dahan ang naging pagtawag ni Duncan sa tauhang iplinanta niya upang matyagan ang bawat kilos at galaw ni Liberty. Gusto niyang malaman ang lahat tungkol dito. Hindi imposibleng magamit niya iyon balang-araw sa asawa nang ganoon ay hindi na nito ituloy ang diborsyo.

Hindi kasama sa mga plano niya si Merideth. Iyon ang katotohanan. Ngunit nang mabuntis niya ito, at malamang maaaring kadugo niya ang bata, wala siyang magawa kung hindi baguhin ang kanyang plano. Hindi niya maatim na habang nasa rurok ng tagumpay ay may batang masasangkalan ng dahil sa kanya.

Maaaring halang ang bituka niya, demonyo katulad ng paglalarawan ng asawa, ngunit, kung may isang bagay man siyang hindi kayang gawin, iyon ang pang-aabanduna sa sarili niyang kadugo.

“Ano ng balita?” tanong niya rito habang nakasandal sa poste ng kanilang tarangkahan.

Hinipat ni Duncan ang hawak na sigarilyo sa kaliwang kamay at ibinuga sa ere ang usok.

“Kumpirmado, Sir,” pagbabalita n