CHAPTER 69: The Crocodile Bait

PAULIT-ULIT ANG PAGSIGAW ng dalawang lalaking nakalambitin ngayon sa mataas na bahagi ng construction site na iyon. Makikita na bakas sa dalawa ang takot dahil sa pagragasa ng pawis sa katawan ng mga ito. Malalim din ang paghinga nila habang paulit-ulit ang pagmamakaawa para sa kanilang buhay.

“Ano bang nagawa namin?” galit na galit na tanong ng isa. Tumutulo pa ang uhog nito na humalo sa pawisang katawan. “Sumunod lang naman kami sa—ah! Huwag! Huwag!” hindi nito naituloy ang sasabihin nang ibaba pa ang tali ng crane machine na pinagsasabitan sa mga ito.

“Iyon na nga ang problema, alam niyo ng masama, ginawa niyo pa!”

“K-kailangan naming mabuhay!” katwiran at giit pa rin nito. “Ito lang ang paraan para makakuha kami ng malaking pera at madaling trabaho—ah! Tang*na! Bakit ba kayo nanakit?”

Lalong nag-init ang batok ni James sa narinig. Ngayon niya pa lang ito nahampas ng sinturon ngunit kung makapagreklamo ay ganoon-ganoon na lang.

“M-maawa na kayo! P-pakiusap, hindi na namin ito uul