CHAPTER 68: They Are Hiding

“MAS LUMAKAS ANG pagsigaw ni Liberty sa pag-iisip na wala na talaga siyang pag-asa. Pakiramdam niya, ang mga sandaling iyon na ang magiging katapusan niya.

Magaganap na ba talaga sa kanya ang pambababoy na kagustuhan ng pinuno ng grupong ito? Ngunit habang nasa ganoon siyang sitwasyon, hindi niya maiwasang tanungin kung bakit siya? Napakaraming tao, bakit siya ang nakakaranas ng ganito?

Ang gusto niya lang naman ay lumaban nang patas sa buhay. Ang buhayin ang sarili niya at ang pamilya niya mula sa perang pinaghirapan niya. Ngunit, bakit napakahirap? Ano pa ba ang mga kailangan niyang pagdaanan upang makaramdam ng kasiyahan?

“Ang bango…”

Lalong nangilabot si Liberty nang amuyin nito ang kanyang leeg. Bago pa man tuluyang maipasok ng lalaki ang kamay sa kanyang bra, at mahalikan ang kanyang leeg, ganoon na lamang ang gulat niya sa sunod-sunod na pagdaing mula sa kung sino.

Kung saan-saan ibinabaling ni Liberty ang kanyang tingin kahit wala naman siyang nakikita. Kung saan kase naroon a