CHAPTER 20: Worst than Betrayal 

“MISS, HINDI KA talaga magsasampa ng kaso?” gulat na tanong muli ng lalaking tumulong sa kanya. “Diyan lang ako sa kabila mong apartment, hindi lang ito ang unang beses na ginawa sa ‘yo ‘yan ng lalaking iyon! Naririnig ko ka kaya! Tapos hindi ka magsasampa ng kaso? Sure na sure na ba talaga?”

Tahimik pa rin si Liberty nang mga sandaling iyon. Tama ba talaga ang naging desisyon niyang manahimik na lang para sa kanyang pamilya?

Parang ipinagkanulo niya na rin ang sarili sa gagawin. Sa hindi pagsuplong dito sa awtoridad ay makakakuha siyang muli ng pera sa asawa ngunit ang magiging kapalit niyon ay pagiging malaya nito na gawin ng paulit-ulit sa kanya ang ganitong bagay.

Kakayanin niya bang talaga? Kapag sinabi ba niya ang lahat ng ito sa pamilya ay maiintindihan din ba siya o kakampi na naman sa kanyang asawa?

Nang mga sandaling iyon, heto na naman ang pagtulo ng luha sa kanyang mga mata. Ang mga nasa kanyang paligid, hindi maiwasang huwag mag-aalala sa kanyang inaasta. Tinatanong siy