CHAPTER 19: He's Drunk Again

NANG GABING IYON, nagising na naman si Liberty sa sunod-sunod na pagkatok sa labas ng kanyang apartment. Hindi pa ito nakontento at ginamit na ang doorbell. Nang huli, ilang beses nitong sinipa ang pinto habang kinakalabog iyon.

Dahil naalimpungatan, dali-dali tuloy ang pagtayo niya sa hinihigaan. Inilagay niya lamang ang balabal na nakasampay sa kanyang kama saka lumabas ng kwarto upang tingnan kung sino iyon.

Nang mabuksan ang pinto, saka lamang siya tuluyang nahimasmasan matapos na makilala kung sino ang eskandalosong kumakatok sa kanyang pinto.

“D-duncan?” bakas sa kanya ang gulat at takot.

Wala na si Ruffa sa kanyang apartment. Hindi na siya makakahingi pa ng tulong sa kahit na sino.

“A-anong ginagawa mo rito?” pilit niyang nilalaban ang takot ngunit iyon pa rin ang nananaig sa kanya.

“Iuuwi na kita sa bahay natin, Liberty!” puno ng awtoridad na sambit nito.

Kung nakailangang bote man ng alak ang kanyang asawa ay wala na siyang pakiaalam. Ngunit kung may isang bagay siyang sigu