CHAPTER 24: The Abortion

“DUNCAN, ANO ITONG mga nalaman ko?” galit na galit na tanong ng nanay ni Duncan nang makauwi sa bahay nito. Inilapag lang niya ang ilang shopping bags at maleta na ginamit noong mag-travel sa ibang bansa bago harapin ang anak na nasa hapagkainan nang umagang iyon.

“Akala ko next month pa ang uwi mo, Mom?” gulat na tanong nito na saglit na huminto sa pagkain ng agahan.

“At ano itong mga kinakain mo? It's not even the right food to eat this morning. All of these are processed foods! Where are the maids?”

“Pinalayas ko,” inaantok na sagot nito. “Hindi naman nakakatulong sa bahay. Sakit lang sa ulo ang napapala ko sa katsitsimis nila. Magsasampa pa ba ako ng demanda? Sayang lang ‘yon sa oras ko.”

“A-ano kamo?” galit na tanong niya sa anak. “Saglit lang akong nawala—”

“That's why you shouldn't have left me, Mom.”

“Duncan!” malakas niyang sigaw habang nagpupuyos pa rin sa galit. “Iyong magaling mong asawa, nasaan?” nakapamaywang niyang tanong sa anak nang mas lumapit pa rito.

“Lumayas na.”