KABANATA 3

"A-ako si Vacio, Vacio McDerson."

Matapos nito, Ipinaliwanag sa akin ni Comando ang kasalukuyang nangyayari. El Deseo Country—ito ang lugar kung saan binubuo ng apat na kingdom. No Humano Kingdom, at Summon Kingdom. Miski si Comando ay hindi pa alam ang impormasyon kaugnay sa natitirang Kingdom. Ang nais ko ring malaman na bakit ako napunta sa mundong ito ay kanya ring napunan... Reincarnation. Muli akong nabuhay sa mundong ito bilang isang mas bata, at may matinis na boses. Alam niya rin ang pinanggalingan ko sapagkat doon din siya nanggaling. Ipinaliwanag niya sa akin na kung sa mundong pinanggalingan namin ay binabalot ng salapi, sa mundong ito'y iba—Magic Power. Ipina-alam niya rin sa akin ang kanyang titulo—he is the No Humano Commander! Siya ang tinaguriang Ruler sa Kingdom na ito.

Marami ang impormasyong nakuha ko kay Comando, marahil hindi ko pa nauunawaan ng lubusan, ang tuwa at tibok ng aking puso ay hindi ko mawari...magic?! Techniques?! Power level?! Sa anime ko lang ito napapanood subalit, ngayon ay akin nang mararanasan.

"Vacio, dalawampung taon akong naghintay sa oras na ito, katulad ng ginawa ng First Commander..."

Hindi pa man natatapos ang sinasabi ni Comando, ang kanyang buong katawan ay tila naging asul na awra, walang anu-ano'y tuluyan itong pumasok sa buong katawan ko.

Hindi ko maipaliwanag ang nararamdaman ko ngayon, akin na lamang napagtanto na, ako'y may nakausap—tuloy-tuloy, nakabiruan, at nakasama kahit sa saglit na panahon.

Sobra ang galak na aking nararamdaman, bago pa man tuluyang makapasok ang asul na enerhiya sa aking katawan, boses ni Comando ang huli kong narinig—"Absolute Counter...'yan ang tanging mapapamana ko sa'yo..."

Natapos sa pagpapamana ang komunikasyon mula sa akin at Comando, sobrang gaan ng aking pakiramdam. Bago tuluyang natapos, kanyang ipinaliwanag ang detalye sa pamanang kapangyarihan. Kaya nitong ibalik ang naturang atake ng doble sa partikular na umatake.

Matapos ang kaganapan, binalot ng katahimikan ang kuweba, ramdam ko rin ang asul na awra na bumabalot sa katawan ko. Kung hindi ako nagkakamali—Power Level ang tawag dito.

Hindi ko mapigilang ngumiti ng lubusan sa mga nangyayari, kung ganito rin lamang ang siguradong kalalabasan, matagal na akong naghanap ng kriminal upang magpasaksak.

Sinimulan ko nang libutin ang kapaligiran, punong-puno ito ng mga halamang makukulay, sobrang payapa at maaliwalas ang hangin subalit, sa aking paglalakad, bawat nasasalubong ko ay tila nagpapakita ng sobrang takot, mga hayop na bigla na lamang nagtatago, hindi ko mawari ang dahilan ng mga ito kaya't hinayaan ko na lamang at nagpatuloy sa pagkakalad—maaaring ito ang ikalawang pagkakataon na makakita sila ng tao sa lugar kung saan binubuo ng mga iba't-ibang nilalang maliban sa tao.

Pakiramdam ko'y kaya kong gawin ang lahat. Naalala ko rin, sinabi ni Comando na hindi lamang Absolute Counter ang kapangyarihan ko, kundi pati ang Black Hole—na kung saan may abilidad akong makuha ang kapangyarihan ng iba o ang dulot nito sa pamamagitan ng Black Hole Creation Ability.

"Itong mga halamang ito, kumikinang  sa kulay green effects! Masubukan nga." Nasasabik kong sinabi.

"Black Hole Creation: Consume!"

"Damn! I could barely feel its raging power inside of me!" Lubos sa kagalakan kong sinambit, habang nagpagtuloy ako sa paglalakad.

Sa kabila ng kakayahan kong makuha ang abilidad ng mga ito, kaya ko rin itong mailabas sa oras na nais ko itong ibigay.

Hindi ko maitatangging abot tainga ang ngiti kong tinataglay sa kasulukuyang kaganapan. Di hamak na mas maginhawa at payapa ang mundong ito mula sa pinanggalingan ko, ang simoy ng hangin ay tila umaawit, ang mga boses ng iba't ibang hayop na nabubuo sa paligid ay sumasabay sa paghakbang ng aking mga paa.

Habang patuloy ang aking paglibot sa paligid na ito, isang tunog ng boses ang aking narinig...natatakot. Dahil dito, ninais ko itong puntahan, sa isip ko'y mukhang magagamit ko na ang kapangyarihang aking natanggap.

Subalit, hindi umayon sa aking inaasahan ang aking nasaksihan.

Higit sampu ang aking mga nakita, hindi tao kundi mga berdeng nilalang. Bakas sa mukha ko ang matinding pagkagulat sapagkat ito'y napapanood ko lamang sa mga anime na nakikita ko.

Subalit ang nakakagulat, sila'y mga nakaluhod...kasabay ang matinding pagkatakot.

"Commander!" bigkas ng isang berdeng nilalang habang sila'y kaharap ko.

"Huh?"

"Co-commander! Tanggapin niyo po ang posisyong inaalok namin," batid ng isa pang berdeng nilalang habang nanginginig sa kaba.

Patong-patong na sa isip ko ang mga palaisipang hindi ko maunawaan. Pansin ko rin ang halos malalalang sugat sa kani-kanilang katawan, na naging mitsa upang ako'y tuluyang magtanong.

"Saan niyo—"

Sa pagsasalita kong hindi natapos, ito na ang bumungad sa akin.

Matinding gulat ang bumakas sa kanilang mukha, pag-aalinlangan at panginginig.

"Ano bang nangyayari sa inyo?! Mukha kayong takot na takot," batid ko.

"Saan niyo nakuha ang mga sugat na 'yan?" tanong ko matapos ang pagpapaliwanag.

Hayag sa kanila ang matinding pag-aalala.

"Itong nakaraan, kami po ay muli nanamang inatake ng mga Wild Horse—kung saan sila'y nagtataglay ng Fire Magic Power na nagmumula sa kanilang mga matatalim na sungay," Paliwanag ng berdeng nilalang.

Malinaw sa aking mga mata ang hirap na naranasan nila sa mga nakaraang pangyayari.

"C-comander, nais po naming magpakilala."

"Kami po ay napapabilang sa Goblin Tribe!" batid nila.

Hindi ko man lubusang maunawaan ang nais nilang ipabatid, hindi na rin ako nagpumilit na maintindihan ito, paliwanag nila sa akin, ang Goblin Tribe ay walang permanenteng tinutuluyan, sa ngayon, mayroon lamang silang pansamatalang tuluyan subalit ito'y inatake ng mga Wild Horse. Inimbitahan din nila ako sa kanilang puwesto upang uminom ng inumin. Sa pagpunta namin doon, distansya ang kanilang inihaharap sa akin, hindi ko maunawaan kaya't hinayaan ko na lamang, maaaring ito ang unang pagkakataong nakakita sila ng tao, hindi ko na rin pinansin ang matinding takot nila mula sa akin, pansin ko rin ang pagtagaktak ng kanilang mga pawis habang patuloy ang paglalakad pabalik sa kanilang tuluyan.

Hindi pa man tuluyang tumatapak ang aking mga paa sa kanilang tuluyan, mula sa malayong distansya, ay tila hagulgol at takot ang aking nasasaksihan, ang iba pa'y nawawalan ng malay. Ang mga natira ay mabilis na lumuhod, kasabay nilang sinasabi ang...

"C-commander!" habang bakas dito ang matinding kagustuhang kanilang ipinaparating.

"Huh?!" hayag sa mukha ko ang gulat dahil sa ibang mga nawalan ng malay.

"Anong nangyayari sa mga 'to?!" tanong ko.

"C-commander..." Sa kanilang sinasabi, para bang may nais silang ipaalam sa akin na hindi ko alam.

"Pilit po naming nilalabanan ang inyong inilalabas na aura mula kanina, subalit hindi na namin ito kinaya at tuluyan nang naapektuhan ang mga nakapaligid dito," batid nila habang bakas ang matinding pag-hinga.

"Huh?!!" Mulat na mulat ang aking mata sa kabila ng kanilang sinabi.

"Anong ibig niyong sabihin?!" tanong ko.

"Ang inyong Power Level, Commander," batid nila.

"Shit—" pabulong kong nabanggit.

Pagkatapos nito, ako'y lumapit sa mga naapektuhan ng aking Power Level upang gamitin ang healing potion na aking nakuha, humingi rin ako ng tawad sapagkat hindi ko ito napansin,

Gusto ko tuloy masapak si Comando! Hindi man lang sinabi sa aking automatic pala ang activation ng Power Level pagkatapos nitong ibigay ang kapangyarihan.

Natapos ang pagsasa-ayos ng mga pangyayari.

"Maaari ko bang makilala ang inyong pinuno?" tanong ko.

"Opo, maari po bang mahintay niyo siya rito ng sandali? Sandali lamang po," batid ng isang goblin upang tawagin ang kanilang pinuno.

Habang ako ay naghihintay sa pagdating ng kanilang kinikilalang pinuno, malinaw kong naririnig ang mga kaluskos, na para bang mula ito sa kirot na tinitiis ng iilan sa kanila.

Hindi ko na napigilan ang aking kuryosidad at nagtangkang lumapit sa isa sa kanilang kasama upang itanong ang estado ng mga goblin doon sa isang silong.

"C-commander, s-sila po ang nagtamo ng mga malalang sugat mula sa nakaraang atake ng grupong Wild Horse," nakayuko nitong binanggit.

bakas sa mukha nito ang matinding pag-aalala at pagkatakot na muling mangyari sa kanilang tribo ang karahasan ni Jango — ang pinuno ng Wild Horse.

Mula sa reaksyon na kanilang ipinahahayag ay malinaw kong napagtanto ang kanilang kagustuhang pamunuan ko itong tribo. Bakas sa kanilang mga mata ang pagdadalawang-isip na kumilos at lumibot sa lugar na ito, sa dahilang  muling mag badiya sa pag-atake ang mga Wild Horse.

"Maaari ba akong pumunta sa silong na iyon?" Mahinahon kong itinanong.

Sinamahan niya akong tumungo sa tagong silong kung saan dito nananatili ang mga goblin na kasalukuyang nararanasan ang karahasan ng Wild Horse.

Hindi ko pa man tuluyang naaaninag ang kabuuan ng silong na ito ay akin nang naamoy ang dugo, rinig ang mga pagpipigil na sigaw mula sa ginagamot na sugat.

Nagpatuloy ako sa aking paglalakad subalit ang biglaang paghinto ng mga goblin sa aking likuran ay naging mitsa ng akin ding paghinto.

"Ano ang problema?"

Malinaw namang sumagot ang mga ito.

"Patawad po, Commander. Hanggang dito na lamang kami," batid nila.

Dahil dito, ako ay napa-isip. Maaaring pinagbawalan silang tumungo rito sapagkat ang estado sa silong na ito ay malala at higit sa aking inaasahan.

Hindi na ako nagdalawang-isip.

Tumuloy ako sa kalooban ng silong....