Kabanata 44

Nasaksihan ni Mando kung paanong namaluktot si Ynnah sa may bathtub. Basang-basa ang manipis nitong pares ng pajamas. At punong-puno ng sugat ang mga braso nito.

Nagmamadali niyang isinara ang faucet ng bathtub at saka binalot ng twalya ang katawan ni Ynnah.

Agad niya itong binuhat patungo sa kama.

“Ma’am? Ano pong nangyari? Ayos lang po ba kayo?” Bakas ang pag-aalala sa boses nito. Nakahinga siya nang maluwag nang makitang nagkamalay ang dalaga.

Nanghihinang tiningala ni Ynnah si Mando at saka marahang tumango. “Ayos lang ako.” Halos walang boses na namutawi sa bibig niya.

“Dadalhin ko po kayo sa ospital,” ani Mando at akmang bubuhatin na ang nanlalantang katawan ng amo ngunit agad siya nitong pinigilan.

Umiling si Ynnah. “Hindi pwede. Hindi na kailangan. Ayos lang talaga ako, Mando.”

Ayaw niyang maisugod sa kahit aling ospital sa bansang ‘to. Dahil alam niya na halos lahat ng ospital dito ay may koneksyon sa mga Alleje. At ngayong alam na ni Benjamin ang tungkol sa pagba