Kabanata 45

Iyon lamang ang mga katagang naabutan ni Monique nang makarating siya sa tapat ng pinto ng opisina ni Adrien.

At ang marinig ang mga katagang ‘yon ay nagdala ng kakaibang kaba sa kaniyang dibdib.

Sinubukan niya pang kulitin si Lucas para sabihin kung ano ba talagang pinag-usapan nila ng kaniyang boss pero nanatiling tikom ang bibig nito. Hindi nito sinabi ang tungkol sa pagbabalik ni Ynnah sa bansa.

Nang mapagtantong wala siyang mahihita kay Lucas, hindi na muli pang nagtanong si Monique. Nainis na rin kasi siya sa pagiging madamot nito. Dumiretso na lang siya sa loob ng opisina ni Adrien.

“Adrien, malapit na ang 60th birthday ng mama mo. Sabi rin pala ni tita, roon daw tayo mag-dinner sa mansyon niyo mamayang gabi.”

Lumabas sa kabilang tainga ni Adrien ang imbitasyon ni Monique. Alam kasi niyang kaya na naman sila inimbitahan ng ina para roon sa kanila maghapunan ay para kulitin silang dalawa ni Monique na magpakasal na at magkaanak.

Hindi niya pinagkaabalahang tapunan ng t