More Than Coincidence

Quezon City, WBC Compound

Shooting Prep

I am In-love to a Womanizer

September 2024

4:00am

“Sir Ben! Pa check daw po nitong mga oorderin natin na props.” Lumapit si Eric ang assistant ni Benedict Sarmiento.

“Saan ba tayo puwedeng maghanap ng ganitong props? Eh sinaunang panahon pa ito, eh. Me mahahanap pa ba tayong pager ngayon?” Napakunot ang noo ni Ben.

“May mga nahanap naman po kami na kaha pati lumang cellphone.” Napakamot ng ulo si Eric. Ang aga mainit na naman ulo ni boss.

“Pambihirang… sino ba writer nito?” Tanong uli ni Ben

“Si Anne N. daw po. Amateur writer kaso instant sensation sa sinulat nyang yan. Dun nga nalaman na marami na pala siyang nasulat na nobela kaso di na discover.” Alam ni Eric na may pagka critic ang boss niya pero may nasilip na “something” kuya Rick niya sa project na ito kaya’t tinanggap niya. Si Frederick ay partner ni Ben sa bagong tayong Exfinite Virtual Studio. Sila ang nag e specialize sa effects pati props ng movies, advertisements, tv sitcoms at iba pa. Bayaw din ni Ben si Rick.

“Ang baduy! Womanizer? Mga babae talaga,oo. Teka. Pahingi nga ng kopya ng script.” Saglit na nabalisa si Ben.

“Eto po, Sir. “ Binigay niya ang kopya ng script kay Ben. Napansin nitong medyo nabalisa boss niya. Mabilis na binasa ang script.

“Pu***! Eric, lumabas ka muna. Tatawagin lang kita pag kailangan kita.” Napamura ito at tinawagan ang kanyang kuya habang dali dali namang lumabas ang kanyang assistant at isinara ang pintuan.

“Kuya, anong kalokohan ba ito? Kuya… buhay ko to, ah.” Nagugulumihan at naiinis si Ben.

“Ben, relax. Magkaparehas lang. Besides, iba ang family names nila at ang entirety ng kuwento. Wala tayo basis.” Natatawang sagot nito sa bayaw.

“Sino ba itong Anne N. na ito? Kukutusan ko  ito, eh.” Alam nyang hindi siya puwedeng magreklamo sapagka’t wala nga naman siyan basehan. More than coincidence naman kasi ito.

“Darating siya now. Diyan siya mag i stay isang room yung malapit sa  aircon na tapat ng unit natin. You can meet her and…confront her if you like.” Pabiro ng kuya sa kapatid.

“I will really talk to her…” Hindi pa sya tapos magsalita ng magka commotion sa labas.

“Eric, anong nangyayari?” Tanong niya sa kanyang assistant.

“Si Ms. Anne N. Dumating  na”

Lulan ito ng motor. Nang tanggalin ang helmet ay hindi na nagtaka  si Ben.

Of course, Liezel-Anne Narisma. Si LA, ang kanyang ex.

Si LA ay girlfriend ni Benedict Ivan Sarmiento for three and a half years. Dumating si LA sa panahong kinailangan niya ng totoong babaeng maipagmamalaki niya hindi lamang sa social media kungdi sa pati na rin sa kanyang pamilya. Ngunit kalaunan ay pilit na niya itong itago sapagka't may mga taong masasaktan at kinailangan niyang proteksyunan ang damdamin. Inaamin niya, minahal niya si LA at nuong panahon ng pandemya ay ipinakilala niya ito hindi lamang sa mga kapatid ngunit pati na rin sa kanyang mga kamag-anak sa Paco, Maynila.

"At last, may naipakilala ka na rin sa amin na girlfriend, pinsan! Hindi yung puro na lang sa social media" Biro ni Baron, isa nilang pinsan sa ina.

"Oo, nga kuya. Tapos nalilito kami pati sina mommy kasi sa isang taon iba iba, Ha ha!" Biro ni Bryan nakababatang kapatid ni Baron.

"Ano ba kayo. Huwag ninyo akong bubukuhin." Nahihiyang sambit nito sa mga nakababatang pinsan.

"Liezel pangalan mo?" Tanong ni Bong Velandria kay Liezel. Kapatid ng nanay ni Ben at ama nina Baron at Bryan. Nasa loob ng bahay si Ivy na asawa ni Bong at ang nanay nina Ben na si Mercedes.

"Opo." Nahihiyang tugon ni LA. Ganun ugali nito. Hindi masyadong umiimik pag hindi pa niya gaanong kilala ang isang tao. Lalo na't ipinakilala siya nito sa buong pamilya. Unang beses itong nangyari sa kanya at hindi niya alam kung ano dapat ang kanyang ikilos.

"Alam mo bang ikaw ang pinaka unang babaeng pinakilala ng pamangkin ko?" Nakangiti ito kay Liezel. Bakas sa mukha nito ang mangha.

"Tito naman. Nakakahiya." Nahihiyang sambit nito sa tiyo.

"Liezel, bakit si Ben?" Maamo pa rin ang mukha nito ngunit nangungusap ang kanyang mga mata. 

"Siguro po kasi may pagka androgynous si Ben." Sagot ni Liezel.

Tahimik na nakatingin buong mag anak sa kanya.

"Mukhang mali ang sagot ko, ah." Sa loob loob ni Liezel.

"Nakita ko kasi ang sincerity ni Ben. Genuine kasi siya magmahal at totoong tao siya." Nakangiting tugon ni Liezel.

"Sana, Liezel, ikaw na. Harinaway mapabago mo ang pamangkin ko." Nakangiti pa rin tito ni Ben ngunit makahulugan ang mga sinabi nito. Napatindig si Ben at lumabas ng gate.

"Mahal, diyan ka muna. Bibili lang akong yosi." Nasa mukha nito ang asar.

Ngumiti lang si Liezel at binigyan siya ng pandan buko salad ni Pam. Taong 2021 iyun. New Year's day kasama ang buong pamilya Sarmiento at Velandria.