Chapter 80

TAAS-KILAY na pumasok si Sylvia sa inuukupang silid ni Zabrina na halos magpalaglag sa panga ng mag-ama. Ang mga pulis ay nakatayo sa gilid ng dalawa at si Francis ay nasa tabi ni Gian. Nagulat din ang kaniyang anak sa biglaan niyang pagpasok at ngiti lang ang iginawad dito. Kaninang-kanina pa siya kating-kati na masampal ang dalaga. Ang lahat ng sinabi nito magmula noong nasa E.R. pa sila ay dinig na dinig niya. Nagkunwari lang siyang walang malay para malaman kung ano ba ang sasabihin nito sa anak. Pero, sa kasamaang palad, nagsinungaling na naman ito. Ipinahamak na naman nito ang kaniyang manugang, ang best friend nito. At nang huminto siya sa tapat nito ay mag-asawang sampal ang ipinatikim niya rito.

"Best actress ka talaga!"

"Sylvia?" gulat na sambit ni Mr. De Castro. "Why did you do that to my daughter?"

Napangisi siya rito. "At paano niya nagawang saktan ang anak ko nang paulit-ulit and even Gwen?" balik niyang tanong dito.

"Tita--"

"Don't you ever call me 'tita'!" hiyaw ni